Нерухомасць99

У Крыжоўцы не ўпершыню спрабуюць здаць палац, шыкоўных інтэр’ераў якога саромеюцца нават рыэлтары ФОТЫ

На цікавую прапанову арэнды ў вёсцы Крыжоўка звярнулі ўвагу ў тыктоку. Пафасныя інтэр’еры палаца сталі падставай для жартаў. Тым часам рыэлтары чаго толькі не робяць, каб знайсці арандатара для элітнай нерухомасці: спрабавалі прапанаваць катэдж і пасутачна за $768, і доўгатэрмінова за $10 тысяч за месяц.

Папярэджваем: далей будзе выключна на мове раскошы. Рыэлтары імкнуцца прывабіць у арандатары людзей, для якіх «надышоў момант пераезду ў рэзідэнцыю для камфортнага і раскошнага пражывання». Пішуць, што жыццё ў палацы дапаможа адчуць сябе асаблівым.

Вось яшчэ аргумент з аб'явы для паспяховых бізнэсменаў: «асабняк можа служыць як сімвал статусу і поспеху кампаніі, а таксама быць выкарыстаны для ўмацавання дзелавых адносін і прыцягнення кліентаў».

Знаходзіцца гэта рэзідэнцыя ў вёсцы Крыжоўка Мінскага раёна — гэта літаральна ўсяго за 7 кіламетраў ад МКАД, побач Заслаўскае вадасховішча. Плошча ўчастка — каля 15 сотак. На ім ёсць 2 альтанкі (з летняй кухняй і з камінам і барбекю), вялікі басейн з падагрэвам, штучная сажалка, дзе плавалі асятровыя, садовыя дрэвы і дэкаратыўныя хмызнякі, піхты і шматгадовыя высокія хвоі. На ўчастку размешчаны гаспадарчыя пабудовы з кацельнай і аварыйным генератарам вялікай магутнасці. Ёсць і гараж 120 квадратаў з аўтаматычнымі варотамі.

Паведамляецца, што ўнікальны катэдж быў створаны таленавітым архітэктарам. Яго фасад упрыгожаны калонамі, выгнутымі лініямі і дэталямі, якія надаюць будынку элегантнасць і вытанчанасць.

Трохпавярховы катэдж быў пабудаваны ў 2003 годзе. Ён мае плошчу больш за 512 квадратаў, з якіх жылая каля 211 метраў. Ёсць там спальні з ваннымі пакоямі, кабінеты, кухня-гасцёўня з камінам, вялікая камінная зала, гардэробныя пакоі, памяшканні для пакаёўкі і многае іншае.

Не шкадуючы эпітэтаў, у аб'яве расказваюць пра эксклюзіўныя элементы дэкору ўнутры будынка. І здаецца, менавіта яны корань праблемы. Таму што размаляваныя сцены, кран у выглядзе залатога лебедзя, ракавіна ў кветачку спарадзілі мноства жартаў сярод карыстальнікаў сацыяльных сетак.

Мабыць, пасля гэтага рыэлтары вырашылі прыбраць фатаграфіі дома ўнутры і пакінулі толькі здымкі фасада і ўчастка.

Упершыню на тое, што з’явілася прапанова арандаваць такую раскошу, звярнулі ўвагу ў снежні 2022 года. Тады ўладар хацеў атрымліваць за сваю нерухомасць $7 тысяч на месяц. Здаецца, знатака прыгажосці адшукаць тады не ўдалося. Бо неўзабаве гэты ж катэдж сталі прапаноўваць для пасутачнай арэнды за $768 за суткі. Цяпер жа ён зноў даступны на ўмовах доўгатэрміновай арэнды — толькі ўжо за $10 тысяч штомесяц.

Каментары9

  • Драўляны руб
    21.05.2024
    А чаго кошты ў баксах, якія хутка знікнуць?
  • Ал
    21.05.2024
    Вось чаму ў Беларусі беспрасветная срака. Рэсурсы краіны зліваюць у нейкую дурату кшталту гэтай хаты. Дорага-багата, але брыдка, безсэнсоўна, нязручна, проста прасралі рэсурсы. 
  • Абармот
    21.05.2024
    Логично: за 7 тысяч никто арендовать не хочет, давайте попробуем сдать за 10 тысяч))

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць