Меркаванні5757

Шрайбман: Няма прасторы для абмену палітвязняў, планка для пачатку размовы з Лукашэнкам вельмі высокая

Аналітык Арцём Шрайбман паразважаў, чаму Захад не вядзе торг з Лукашэнкам.

Аляксандр Лукашэнка на саміце ЕАЭС у Маскве, 8 мая 2024 года. Фота: Evgenia Novozhenina/Pool Photo via AP

Прэцэдэнты абмену палітвязняў на санкцыі былі ў папярэднія гады, але цяпер немагчымыя, лічыць Шрайбман. Лукашэнка не зацікаўлены ў аслабленні слабых санкцый (у адносінах начальнікаў ізалятараў ці суддзяў) — а менавіта іх уводзілі за парушэнне правоў чалавека ў 2020-м.

З тых часоў санкцыі ўвялі яшчэ за пасадку самалёта з Пратасевічам на борце, міграцыйны крызіс у 2021-м, дапамогу Расіі ў вайне.

«Аслабляць іх у абмен на палітзняволеных Захад лічыць немэтазгодным, таму што тады атрымліваецца, што Лукашэнка можа рабіць усё, што ён робіць, уключаючы дапамагаць Расіі ў вайне, дапамагаць забіваць украінцаў па сутнасці, але калі ён набярэ дастаткова закладнікаў, то ён можа гэтых закладнікаў абмяняць на санкцыі і такім чынам застацца без пакарання за ўсё тое, што ён працягвае рабіць, у тым ліку і на мяжы з Еўрасаюзам»,

— тлумачыць аналітык.

Размяшчэнне на тэрыторыі Беларусі ядзернай зброі ці вагнераўцаў не спрыяе таму, каб на Захадзе падымалі пытанне аб аслабленні санкцый.

«Наадварот. Трэнд у іншы бок: «давайце шукаць, як яшчэ пастрожыць, як перакрыць дзіры, якія Расія выкарыстоўвае праз Беларусь». Плюс ёсць разуменне, што калі аслабіць нейкія сур'ёзныя санкцыі ў адносінах да Беларусі, якія могуць дапамагчы Расіі абыходзіць яе санкцыі, гэта можа дапамагчы Расіі весці вайну».

Цяпер няма прасторы для гуманітарных абменаў, заўважае Шрайбман.

«Планка для пачатку размовы з Лукашэнкам настолькі высокая, што ніхто нават не думае да яе падыходзіць. На Захадзе лічыцца палітычна вельмі таксічным задумвацца ўслых пра ідэі таргавацца з Лукашэнкам санкцыямі на палітвязняў».

Аналітык падсумоўвае, што для палітвязняў гэта сумная сітуацыя, бо

«ні ў каго цяпер няма палітычнай магчымасці змагацца за іх вызваленне».

Каментары57

  • Сакавік
    08.06.2024
    Застаецца толькі енчыць і спадзявацца, што не будзе расстрэлаў!
  • ЭЮЯ
    08.06.2024
    Размову пра выпуск палітвязняў будзе весці Полк Каліноўскага ў Беларусі. Размова будзе кароткая.
  • Бобр
    08.06.2024
    Выснова: лёс палітвязняў патрэбны толькі самім палітвязням і іх сем'ям. Калі яны нічога не каштуюць для зняцця санкцый, то можа улада сама выпусьціць іх- адна надзея?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць42

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне7

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць42

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць