Свет88

Еўрасаюз прыдумаў, як абысці венгерскае вета на перадачу даходаў ад актываў Расіі Украіне

Еўрасаюз знайшоў прававую шчыліну, каб абысці вета Венгрыі на перадачу даходаў ад замарожаных актываў Расіі на вайсковыя патрэбы Украіны, паведамляе Financial Times.

Жазэп Барэль з прэм'ер-міністрам Венгрыі Віктарам Орбанам. Фота: AP Photo/Fermin Rodriguez

Паколькі Венгрыя ўстрымалася ад папярэдняга пагаднення аб выдзяленні даходаў ад заблакаваных у Еўропе расійскіх сродкаў, яна «не павінна быць часткай рашэння аб выкарыстанні гэтых грошай», сказаў кіраўнік дыпламатыі ЕС Жазэп Барэль.

Барэль удакладніў, што з Венгрыяй спрабавалі дамовіцца. У прыватнасці, прапаноўвалі Будапешту не ўдзельнічаць у падтрымцы Украіны, але і не блакаваць рашэнне большасці астатніх краін Еўрасаюза. 

«Мы прапанавалі Венгрыі: вашы грошы не будуць выкарыстоўвацца для падтрымкі Украіны любымі сродкамі. Не толькі летальнымі, але і любымі іншымі. Забярыце свае грошы… Я не хачу іх выкарыстоўваць. Ім прапанавалі не быць часткай каманды, і што іх грошы не будуць выкарыстоўвацца для Украіны… Гэтага было недастаткова», — сказаў Барэль.

Таму Барэль заявіў, што

абыходны шлях «складаны, як і кожнае юрыдычнае рашэнне, але ён працуе».

Па звестках выдання Politico, знойдзеная шчыліна «прывяла венгерскіх палітыкаў у лютасць».

Міністр замежных спраў Венгрыі Петэр Сіярта ўжо папярэдзіў, што венгерскі бок ужо вывучае «прававыя магчымасці» аспрэчыць гэта рашэнне. Ён лічыць, што Еўрасаюз, прыняўшы яго, перакрочыў чырвоныя лініі.

Сіярта абурыла таксама тое, што Барэль запрапанаваў краінам ЕС адправіць сваіх інструктараў ва Украіну для навучання ўкраінскіх вайскоўцаў. Паводле яго слоў, гэта першы крок для адпраўкі ва Украіну еўрапейскіх войскаў».

Пра першы транш даходаў ад замарожаных расійскіх актываў у Фонд дапамогі Украіне Барэль аб’явіў сёння, 24 чэрвеня, перад сустрэчай кіраўнікоў МЗС краін Еўрасаюза. Перавод складзе 2,5 мільярда еўра, паведамляе «Еўрапейская праўда».

«І ў нас ёсць юрыдычная працэдура, якая дае магчымасць пазбегнуць любых блакаванняў. Першы транш паступіць на наступным тыдні, у ліпені. Другі — праз некалькі тыдняў», — адзначыў Барэль.

У Эўрасаюзе замарожаныя каля 210 мільярдаў еўра актываў Банка Расіі. За год яны прыносяць прыкладна пяць мільярдаў еўра даходаў. Краіны ЕС ухвалілі план падтрымкі Украіны за кошт замарожаных расійскіх грошай у маі 2024 года.

Знойдзеная прававая шчыліна можа таксама расчысціць шлях да выдзялення краінамі «Вялікай сямёркі» Украіне крэдыту памерам 50 мільярдаў даляраў, які плануецца забяспечваць менавіта даходамі ад расійскіх замарожаных актываў.

Каментары8

  • Acab
    24.06.2024
    Прававая шчыліна, якае ператварае канфэдэрацыю на централізаваны саюз, дзе верхаводзіць ЦК.
  • Axel Justas
    24.06.2024
    Зрабіць ім Hunexit, каб у кожную суседнюю краіну па візы ў чарзе стаялі, каб еўрапейскія аўтавытворцы свае заводы вывезлі, і г.д. - будзе ім цудоўная аграрная краіна з савецкім душком і неўцямнай будучыняй, як раз як Пуціну падабаецца. Хай сябруюць.
  • Anatol Starkou
    25.06.2024
    Axel Justas, нікому не патрэбны такі анкляў Расеі ў цэнтры Эўропы. + Ня ўсе вугорцы галасавалі за Орбана ці спрыялі ператварэньню краіны ў аўтакратыю.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю13

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся62

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай24

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю13

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць