Свет55

Рэдакцыя New York Times заклікала Байдэна зняць сваю кандыдатуру з выбараў

Рэдакцыйная калегія амерыканскай газеты The New York Times апублікавала заяву з загалоўкам «Каб служыць сваёй краіне, прэзідэнт Байдэн павінен пакінуць гонку».

Журналісты выдання лічаць, што дзейны прэзідэнт «ужо не той, якім быў чатыры гады таму», і асцерагаюцца, што ён не зможа перамагчы Дональда Трампа на прэзідэнцкіх выбарах.

NYT заклікае Байдэна саступіць месца больш «пераканаўчаму» і «энергічнаму» кандыдату ад дэмакратаў, пераказваюць артыкул «Асцярожна, навіны».

«Самае вялікае грамадскае служэнне, якое цяпер можа аказаць спадар Байдэн — гэта абвясціць, што ён не будзе працягваць балатавацца на пераабранне», — заклікаюць рэпарцёры NYT.

Рэдакцыя газеты станоўча выказваецца аб палітыцы Джо Байдэна, але мінулыя тэледэбаты з Трампам лічыць правальнымі, бо на іх Байдэн паўстаў як «цень вялікага дзяржаўнага служачага» і «з цяжкасцю адказваў на правакацыі» апанента.

У артыкуле таксама гаворыцца, што Дэмпартыі ЗША занадта рызыкоўна меркаваць, што амерыканцы не звернуць увагі на ўзрост і немач Байдэна. А для перамогі дэмакратам трэба быць сумленнымі і прызнаць, што ён не можа працягваць гонку.

З нагоды выступу Трампа на тэледэбатах NYT заявіла, што ён «нахабна і шматкроць хлусіў аб сваіх дзеяннях і суперніку». «Ён апісаў планы, якія нанясуць шкоду амерыканскай эканоміцы, падарвуць грамадзянскія свабоды і сапсуюць адносіны Амерыкі з іншымі краінамі», — піша пра Трамп NYT.

У чацвер у ЗША прайшлі першыя тэледэбаты паміж Байдэнам і Трампам — асноўнымі кандыдатамі на наступных выбарах прэзідэнта ЗША.

Паводле апытання CNN (лічыцца прадэмакратычным), 67% гледачоў назвалі Трампа пераможцам на выбарах. Нягледзячы на ​​паразу ў дэбатах, штаб Байдэна заявіў, што прэзідэнт не пакіне перадвыбарную гонку.

60-я выбары прэзідэнта ЗША запланаваны на 5 лістапада 2024 года. У лістападзе Джо Байдэну споўніцца 82 гады.

Каментары5

  • Acab
    29.06.2024
    Паспрабуйце спадара Мілея замест спадара Байдэна, гэты здужае "кансэрву" Трампа
  • Acab
    29.06.2024
    Спадарыню Пяткевічыху перадчасна адклікаў спадар Лукашэнка, губляе палітычнае чуцьцьцё. Тры дні счакай, і магла быць, як спадарыня Гольда Маерыха, прэзыдэнтша родам з Беларусі(((
  • Гомелец Мэлстрой
    29.06.2024
    Не дурыце галаву, не хачу ні каралём бсср, ні прэзыдэнтам зша. Мой покліч і наканаваньне - кінеа перавыхаваньне дзяўчат!
    Дазваляю ставіць мне залатыя роставыя помнікі ў парках культуры і адпачынку работніка на сялянцы

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць