Усяго патроху44

Беларускі блогер у самы сквар паспрабаваў пасмажыць яйкі проста на асфальце. Ці атрымалася?

У тыктоку завірусілася відэа беларускага блогера, які паспрабаваў у разгар сонечнага ліпеньскага дня пасмажыць яйкі на патэльні без усялякіх дадатковых прыстасаванняў — проста на асфальце, выкарыстоўваючы ў якасці крыніцы цяпла выключна энэргію пякучага сонца, заўважыў Telegraf.news.

Скрыншот з відэа

Ролік на сваім канале апублікаваў блогер пад нікам bulbanews. Малады чалавек прадэманстраваў, як лёгка ў такую спякоту ў Беларусі прыгатаваць яечню. Мяркуючы па ягоным відэа, дастаткова выйсці сярод дня на заліты сонцам тратуар і выкарыстоўваць яго замест пліты.

Нягледзячы на тое, што ў каментарах пад відэа, якіх за суткі набралася больш за тры сотні, многія ахвотна пацвердзілі, што ў цяперашняе гарачае надвор'е падобныя эксперыменты лёгка здзяйсняльныя, далёка не ўсе гледачы паверылі, што ўсё так проста.

Паколькі жаўток на відэа ў блогера не прасмажыўся да канца, некаторыя выказалі здагадку, што хлопец папярэдне нагрэў патэльню, а толькі пасля вынес яе на двор.

@bulbanews

♬ оригинальный звук - Марья

На самай справе бялок пачынае згортвацца пры тэмпературы, вышэйшай за 41°C. Аднак спасылацца толькі на даныя сіноптыкаў, выкрываючы блогера ў падмане гледачоў, было б няправільна.

Бо асфальт і тратуарная плітка, якую малады чалавек выкарыстаў замест пліты, у спякоту награваецца значна мацней — ужо пры +35-38°C тэмпература тут можа падымацца да 50-55°C.

Такія эксперыменты ўжо не раз спрабавалі праводзіць, у тым ліку пад кантролем навукоўцаў. Так, Тэрэза М. Балс-Эльсхольц, загадчыца кафедры геаграфіі і метэаралогіі ва ўніверсітэце Вальпараіса амерыканскага штата Індыяна раней тлумачыла, што

на самой справе працэс гатавання яйка на тратуары можа заняць пару гадзін у залежнасці ад тэмпературы, так што як мінімум без маленькай хітрасці з паскарэннем у відэа беларускага блогера не абышлося.

Па словах амерыканскага эксперта, трохі паскорыць працэс можа выкарыстанне алюмініевай фольгі або посуду з нержавеючай сталі, якая з'яўляецца выдатным правадніком цяпла. Ідэальным часам для такіх эксперыментаў вучоная назвала з 12:00 да 16:00, калі тратуар максімальна аддае цяпло сонца.

А вось эксперыменты некаторых блогераў, якія спрабуюць пасмажыць яечню проста на капоце аўтамабіля, пакінутага на сонцы ў спякоту, лепш не паўтараць — занадта дорага яны абыдуцца. Як папярэджваюць спецыялісты, у выпадку поспеху аддзіраць яечню прыйдзецца проста з лакафарбавым пакрыццём.

Каментары4

  • Аяечных спраў знаўца
    16.07.2024
    Пасмажыць яйкі проста на асфальце? Хай бы гэты "блогер" проста сеў на асфальт :)
  • Интересно
    16.07.2024
    Что блогер этим хотел нам доказать?
  • Адказ
    16.07.2024
    Интересно , што ён дурань

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць