Вайна2828

«Гэта пасля адводу сіл Бацькі». У прарыве фронту пад Курскам Z-каналы вінавацяць Лукашэнку

Баям на мяжы Курскай вобласці Расіі трэба было знайсці тлумачэнне. І расійская прапаганда згадала пра нядаўнія манеўры саюзніка Пуціна.

Горад Суджа Курскай вобласці Расіі — 6 жніўня паступалі паведамленні пра баі там. Фота: тэлеграм-канал «Тыповы Курск»

Некаторыя Z-каналы сцвярджаюць, што на курскі кірунак Украіна перакінула войскі, якія яшчэ нядаўна стаялі на мяжы з Беларуссю.

«Сітуацыя ў цэлым вярнула нас у люты-сакавік 2022 з памылкамі і пралікамі цэнтраў прыняцця рашэнняў, якія змянілі характар і фармат СВА.

Адзін з гэтых цэнтраў — Мінск. Мірныя ініцыятывы Лукашэнкі, мабыць, справакавалі ўкраінцаў на курскі кірунак», — наракае расійскі тэлеграм-канал «Брыфінг».

«ГУР перакідвае ССА, нядаўна знятыя з беларускай мяжы пасля адводу сіл Бацькі», — падтаквае яму канал Win/Win.

Тэлеграм-канал «Дзеці Арбата» таксама сцвярджае: сярод задзейнічаных на курскім кірунку сіл заўважаныя часткі ўкраінскага аператыўнага камандавання» Поўнач», якія раней стаялі ўздоўж мяжы з Беларуссю. Але пра ролю Лукашэнку піша асцярожна.

«Расійская армія на працягу папярэдняга месяца наносіла ўдары на аператыўную глыбіню, таму што бачыла нарошчванне сіл і сродкаў групоўкі.

У сувязі з гэтым было б няправільным лічыць, што менавіта манеўр прэзідэнта Беларусі Аляксандра Лукашэнкі прывёў да развіцця сённяшніх падзей у поўнай меры, аднак вывад з канфігурацыі беларускага аператыўнага плацдарма істотна скараціў тэрміны падрыхтоўкі бягучага наступу УСУ і вызваліў дадатковыя сілы»,

— пішуць «Дзеці Арбата».

Іншыя ж каналы не стрымліваюць гневу.

«Выдатны саюзнік у Расіі — Лукашэнка. Даў Зяленскаму гарантыі ненападу. УСУ знялі часткі з беларускай мяжы і цяпер атакуюць імі Курскую вобласць»,

— абураны Z-канал «Цвярозы палітолаг».

***

Баі на мяжы Сумскай вобласці Украіны і Курскай вобласці Расіі пачаліся 6 жніўня. Прычым менавіта на расійскай тэрыторыі.

Афіцыйных каментарыяў з боку Украіны не было. Расія заявіла, што атака ўкраінскіх дыверсійных груп пачалася а 8-й раніцы ў аўторак. У ёй нібыта брала ўдзел каля 300 байцоў 22-й механізаванай брыгады УСУ, якіх падтрымлівалі 11 танкаў і звыш 20 баявых браніраваных машын.

Каментары28

  • Slutlana
    07.08.2024
    Вот это зрелище!
  • Вось так
    07.08.2024
    Невераятныя, падабаецца ват тое ці не але даціскаючы лукашэнку вы даціскаеце Беларусь у расею, а вашыя змагарскія опусы пра змаганне і вызваленне не вытрымліваюць ніякае крытыкі.
  • Лёлік з-пад Лімасола
    07.08.2024
    Глядзіце зараз, каб пакрыўджаныя паўстанцы-вагнераўцы непайшлі ў адваротны кірунак ад Жэшува. На Смаленск

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць40

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Пуцін назваў умову ўдзелу еўрапейцаў у перамовах па Украіне7

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць40

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць