Эканоміка11

Побач з Мінскам адкрыўся новы рынак. Ці ехаць туды замест Камароўкі і Табараў?

Пад Мінскам адкрылася новая аптова-рознічная база гародніны і садавіны. Працуе новы рынак усяго пару дзён. Журналісты blizko.by з'ездзілі туды і паглядзелі, ці выгадна там закупляцца і які асартымент.

Рынак размяшчаецца на тэрыторыі гандлёвага комплексу Expobel — лакацыя побач з дарогай Заслаўе-Калодзішчы. Заехаць туды можна на машыне з тэрыторыі комплексу Expobel — кірунак ад кругавога руху каля крытага рынку і направа.

Таксама праезд адкрыты і з адваротнага боку, дзе ідзе дарога Заслаўе-Калодзішчы.

Калі вы на грамадскім транспарце, то можна даехаць да канчатковага прыпынку ў раёне Зялёнага Луга-6. Затым перайсці да Expobel. Да самай агародніннай базы трэба будзе прайсці яшчэ хвілін 10.

Тут не так шмат прадаўцоў, аднак уся хадавая гародніна і садавіна ёсць. Прадаўцы робяць зніжкі, калі купляць адразу некалькі кілаграмаў.

Да прыкладу, бульба ў сярэднім каштуе 1,8-2 рублі за кілаграм, але адзін з прадаўцоў распавёў:

— Тут і оптам можна будзе купляць, мы рыхтуемся ўжо. Думаю, што цэны прыкладна такія ж, як у Табарах будуць. Калі купляць бульбу оптам, то яна будзе каштаваць 1-1,1 рубля за кілаграм.

Агуркі каштуюць 3-3,5 рубля за кілаграм. Кошт памідораў вельмі розны. Да прыкладу, чырвоная беларуская сліўка будзе каштаваць ад 3 рублёў за кілаграм, жоўтая — 4. Ружовы тамат — 6,5 рубля за кілаграм, чэры хатнія — 3,5. У сярэднім памідоры каштуюць 3-5 рублёў.

Што тычыцца перцаў, то самы танны за 3,8 рубля. У сярэднім яны каштуюць 4,5-7,5 рубля за кілаграм.

Часнык можна набыць за 11-13 рублёў за кілаграм, цыбулю рэпчатую — 1,8, цыбулю чырвоную — 5, капусту — 1,6-2. Баклажаны аддаюць за 3 рублі за кілаграм, кабачкі — за 2-2,5.

Што яшчэ прадаюць на рынку? Так, нектарыны каштуюць 6,5-12,8 рубля за кілаграм, персікі — 7,50-12,8. Дыні можна набыць за 2,9-3,5 за кілаграм, кавуны ў сярэднім каштуюць 2,5. Яблыкі — 2,5-4 рублі за кілаграм, вінаград — 9,5-13.

Ягад пакуль не так шмат, буякі — 13 рублёў за кілаграм. Слівы можна купіць за 6,5 за кілаграм, чарнасліў — 6,80. Грэцкія арэхі каштуюць 11,5 рубля за кілаграм.

Адзін з пакупнікоў расказаў, што даведаўся пра новае месца з інтэрнэту:

— У нас на сайце сельсавета з'явілася аб'ява, мы і прыехалі. Ну, зручна менавіта сюды заехаць. Цэны — нармальныя. Вось, купляем агуркі, памідоры, цыбулю… Асабіста я ўжо на Камароўку не езджу. Чаму? Там машыну нармальна не паставіць, паркоўка ўсюды платная, ды і потым яшчэ да яе трэба цягнуць пакупкі.

Высновы

Новы рынак толькі пачынае працу. Пакуль тут не так шмат прадаўцоў і пакупнікоў. Затое ў чэргах стаяць не трэба, купляй — не хачу. Уся хадавая гародніна і садавіна ёсць. Цэны не моцна адрозніваюцца ад Камароўкі або Табараў. Аднак тут ахвотна робяць зніжку, калі вы бераце некалькі кілаграмаў. Некаторыя прапануюць ад 10 кілаграмаў ужо амаль аптовыя цэны.

Што тычыцца заезду, то ёсць вялікая бясплатная паркоўка. У афіцыйным Instagram ГЗЦ Expobel паказваецца час працы з аўторка па нядзелю 8:00-17:00. Але прадаўцы кажуць, што а 18:00 яшчэ ёсць пакупнікі.

Агулам, гэты рынак будзе вельмі зручным для тых, хто жыве побач альбо едзе ў бок Бараўлянаў. Аднак пакуль на Камароўцы і ў Табарах асартымент прадукцыі значна шырэйшы. Але калі тут з часам будзе больш прадаўцоў і пашырыцца асартымент, то аптова-рознічная база гародніны і садавіны ў Expobel стане значным канкурэнтам, асабліва рынку «Новы Лебядзіны», бо ён знаходзіцца далей і дабірацца туды не вельмі зручна.

Каментары1

  • пенс
    16.08.2024
    Чисто реклама. Ценник на рекламируемые продукты нисколько не ниже рыночного, и магазинного - в некоторых случаях. Очереди? Да где вы их видели? На всех рынках, в пешеходной доступности, организованных и стихийных, продавцы проходу не дают, чтобы у них хоть что-то купили. А если скажешь,что берешь 10 кг, скидка - автоматом. Куда-то за кольцевую ехать за помидорами-огурцами??? На проезд потратишь больше времени и средств.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць