Кіно22

«ЧынЧынЧэнэл» выпускае новы сатырычны міні-серыял. Сцэнар да яго напісаў Сумны Коленька

Што будзе, калі ўлады Беларусі скасуюць псіхолагаў і прызначаць лячыць псіхалагічныя траўмы грамадзян чыноўніка-ідэолага? Прэм'ера серыяла пра гэта адбудзецца «на ўсіх ютубах краіны» 26 жніўня.

Кадр з серыяла

Творчая каманда «ЧынЧынЧэнэл» прадстаўляе новы сатырычны сітком «БелГосПсиХоз», у якім артадаксальны ідэолаг прымярае на сябе ролю псіхааналітыка, да якога на прыём прыходзяць звычайныя беларускія бюджэтнікі. Чым ён зможа дапамагчы міліцыянеру, святару ці прапагандысту? Псіхолаг-ідэолаг пранікае ў душы пацыентаў і наводзіць там узорны парадак дзедаўскімі метадамі: раскладвае па паліцах калектыўнае неўсвядомленае, кансервуе гештальты, выразае вострым слоўцам эмацыйныя траўмы і выпальвае крамольныя біпалярныя думкі гарачым жалезам.

Галоўную ролю ў праекце — чыноўніка, якога прызначылі на ролю псіхіятра, — сыграў купалавец Аляксандр Зелянко.

Каманда ЧынЧынЧэнэл падышла да гэтага праекта ў пашыраным складзе. Сцэнарыстам большасці эпізодаў стаў вядомы ў беларускім інтэрнэце Сумны Коленька, а Алена Зуй-Вайцяхоўская напісала серыю пра эстрадную спявачку Алену ЖалудOк. Чатыры серыі паставіў рэжысёр Аляксандр Гарадко, астатнія — штатны рэжысёр «БелГосЮтубКанала» Андрэй Кашперскі.

Кадр з серыяла

«БелГосПсиХоз» — гэта восем серый-скетчаў працягласцю па 7-9 хвілін, якія будуць выходзіць два разы на тыдзень на YouTube.

«Яшчэ ў 2021 годзе мы задумаліся: што адчуваюць тыя, хто ў 2020 годзе падтрымаў рэжым? Цяпер, праз чатыры гады, назіраючы за беларускай прапагандай, становіцца відавочна, што яны ніяк не могуць «перагарнуць старонку», бо нанесеная рэжыму траўма застаецца незалечанай. Мы вырашылі крыху пафантазіраваць і прапанаваць свае метады лячэння ў нашым фірмовым жанры. Я ўпэўнены, што сатыра мае тэрапеўтычны эфект. А з сатырай у нашай каманды ўсё ў поўным парадку», — адзначае прадзюсар праекта Андрэй Каралевіч.

Каментары2

  • Мх
    21.08.2024
    Ну і вядома, куды ж Купалаўцам без расейскай мовы?
  • ●
    21.08.2024
    На конт жартаў .
    Сяджу у чаце . Прылятае пытанне ад украінца :
    " Ці ёсць у вас , беларусаў слова на кшталт нашай паляныця ? Каб пагагать над ... "
    - Шчучыншына , адказываю , бо трэба хутка .
    Адразу ляціць : " Не ! АШУЩЭНИЕ "

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць