Грамадства88

«Падумала, што мяне дэпартуюць у Беларусь». Як беларуска падарожнічае па ЕС з жэнеўскім пашпартам і дзе ў яе ўзніклі праблемы

Дзяўчына атрымала міжнародную абарону ў Літве. Да статусу бежанца прыкладаўся жэнеўскі пашпарт бежанца. 

Devby.io даведаўся, як жывецца ў Еўропе без звыклага беларускага пашпарта.

Праязны дакумент для бежанцаў (Неафіцыйная назва — «Жэнеўскі пашпарт») — дакумент, які выдаецца бежанцу ў адпаведнасці з Жэнеўскай канвенцыяй аб бежанцах 1951 года.

«Без праблем адкрыла рахунак у банку»

З жэнеўскім пашпартам я з пачатку 2023 года, — кажа дзяўчына. — І ў мяне ніколі з ім не было ніякіх праблем. Хоць гэта дзіўна, бо многія беларусы ў Літве скардзяцца: маўляў, рахунак у банку не адкрыць. Я без праблем адкрыла рахунак: проста паехала ў банк з гэтым пашпартам, карткай ПМЖ, працоўным кантрактам і рашэннем аб прадастаўленні прытулку. Ніхто не задаў ніякіх пытанняў.

Яшчэ ўцекачы ў Літве скардзяцца, што да Жэнеўскага дакумента шмат прэтэнзій на пашпартным кантролі ў аэрапортах. Я з гэтым таксама пакуль не сутыкалася. Хоць падарожнічаю досыць часта, практычна раз у два месяцы кудысьці выязджаю. Часцей за ўсё катаюся ў Польшчу на канцэрты-спектаклі.

На літоўска-польскай мяжы ў пасажыраў аўтобусаў пастаянна правяраюць пашпарты, і мой дакумент ніякіх пытанняў не выклікае. Летась ехала на аўтобусе з Браціславы ў Вену, вельмі баялася, што затрымаюць з-за пашпарту. Але ўсё было добра: памежнік паглядзеў дакумент і вярнуў.

Перад падарожжам я праз IATA гляджу, ці патрэбна віза ў краіну прызначэння. Пакуль што ў краіны з візавым рэжымам я не лётала, толькі па шэнгенскай зоне. І дагэтуль у аэрапортах усё праходзіла гладка.

Было толькі пару шурпатасцяў. Аднойчы ў аэрапорце Каўнаса папрасілі пашпарт на дадатковую праверку.

Супрацоўніца паклікала больш абазнаную супрацоўніцу, і тая, убачыўшы мой пашпарт, кіўнула, маўляў, усё ў парадку. Іншы раз я ляцела праз Польшчу ў Іспанію, і ўжо на гейце ў польскім аэрапорце адна супрацоўніца спытала ў іншай: «А Іспанія — гэта ж ЕС, там няма кантролю?» Я тады пасмяялася.

А вось у Румыніі месяц таму выйшла не вельмі смешна.

Я вырашыла паехаць туды як турыст, бо прачытала выдатную кнігу Руты Шепеціс пра Румынскую рэвалюцыю 1989 года. І неяк захапілася гэтым перыядам гісторыі. Мне захацелася на свае вочы ўбачыць месцы, дзе ўсё адбывалася. Ну і наведаць замак Дракулы, вядома. Я купіла квіткі на самалёт грэцкай авіякампаніі Aegean Airlines і паляцела.

У Віленскім аэрапорце пытанняў да майго пашпарта не было. У Афінах (я ляцела з перасадкай) перад пасадкай у самалёт прадстаўнікі кампаніі ўжо вельмі пільна разглядалі мой пашпарт. Я падумала, што, можа, яны ніколі не бачылі такі дакумент. Але ўрэшце ў самалёт мяне прапусцілі. А вось пасля прызямлення ў Бухарэсце мяне чакала сустрэча з паліцэйскімі.

Усе пасажыры праходзілі праз калідор, у якім нас сустракалі паліцэйскія і прасілі паказаць дакументы. Не ведаю, з чым гэта было звязана. Усе паказвалі дакументы, і іх адразу ж адпускалі.

Я падышла да дзяўчыны-паліцэйскай, падала дакумент, і яна стала яго разглядаць. Спачатку проста, потым праз спецыяльны прыборчык, потым гнула па-ўсякаму. Затым папрасіла картку ПМЖ. Я дала картку. Яна тое ж самае прарабіла і з ёй. Затым спытала ў мяне, якая мэта майго візіту.

Я сказала як ёсць: «Турызм». «Ці адна ляціце?»— «Так, адна». «А калі назад?»

Я паказала ў дадатку зваротны білет (праз чатыры дні). Затым яна перадала мае дакументы іншаму паліцэйскаму, старэйшаму.

І ён сказаў мне: «Пройдзем». І вось тут я спалохалася — падумала, што, можа быць, цяпер мяне дэпартуюць у Беларусь.

Гэты паліцэйскі адвёў мяне ў памяшканне і стаў пільна разглядаць мае дакументы з дапамогай спецыяльных прыбораў. Затым сказаў: «Так, значыць, у вас статус бежанца?». Я пацвердзіла і патлумачыла чаму. Дакладна ўжо не памятаю, што менавіта казала — мне было страшна. Тады ён спытаў, калі я атрымала статус бежанца, я назвала год, і потым ён мяне адпусціў.

На зваротным шляху прыгод не было, даляцела спакойна самалётам Ryanair.

У цэлым паездка прайшла выдатна. Пабывала ў музеях, у парламенце — уразілася. Была ў Брашаве — горад суперпрыгожы. А Бухарэст не вельмі спадабаўся, месцамі падобны на савецкі Мінск ці Кіеў.

Замак Дракулы здаўся не вельмі, але мы заязджалі яшчэ ў адзін замак (забылася назву), і вось ён кампенсаваў [недахопы першага замка] цалкам.

Каментары8

  • Скучпющая бпба
    24.08.2024
    Вофчик, ну да, другое дело, такой смусмуфрик как ты. Важным делом мужчинка занят - комментики пишет
  • Мх
    24.08.2024
    Гэты пашпарт па сутнасці сваёй для легалізацыі прытулку, або для падарожжа з краіны выдачы дакумента ў бяспечную краіну на ПМЖ. Для турыстычных падарожжаў гэты пашпарт НЕ ПАДЫХОДЗІЦЬ.
  • Жэнева 1951
    24.08.2024
    Мх, ААН з вамі ня згодна. Для легалізацыі прытулку гэты дакумент не ўжываецца, яго можна прасіць ці не прасіць толькі пасля канчатковага атрымання прытулку. Па-другое, на ПМЖ трэба заставацца ў краіне, якая надала асобе прытулак. Такім чынам, гэты Жэнеўскі падарожны дакумент уцекача - выдаецца менавіта для любых падарожжаў асобы за межы краіны, дзе дадзеная асоба атрымала прытулак і ПМЖ, бо уцекач здае свой звычайны пашпарт РБ пры атрыманні прытулку: паездак у мэтах турызму, бізнэсу, прыватныя паездкі, адпачынак.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць