Здарэнні2222

«Парваў-пагрыз усё цела». Кот праваабаронцы Сыса брутальна напаў на яго жонку, тая трапіла ў бальніцу 

«Кот Ціль напаў на жонку. Парваў-пагрыз усё цела. І рукі, і ногі. Страціла шмат крыві», — здарэнне, якое адбылося ў доме паэта і праваабаронцы Сяржука Сыса стала шокам як для іх саміх, так і для знаёмых. За шэсць год сумеснага жыцця іх любімы гадаванец не праяўляў такой агрэсіі. Але, па словах ветэрынараў, падобныя паводзіны катоў — не такая ўжо і рэдкасць, і для гэтага можа быць маса прычын.

Кот Ціль. Фота: архіў суразмоўцы

Прыгожы чорны кот Ціль, які цяпер важыць каля пяці кілаграмаў, з’явіўся ў сям’і Галіны і Сержука шэсць гадоў таму — ён быў адным з кацянят ад кошкі, што жыла ў гаспадароў у прыватным сектары.

«Кот еў найлепшае, меў чып, усе прышчэпкі, ездзіў да мяне за мяжу (Сяржук Сыс жыве ў эміграцыі, а жонка з катом застаюцца ў Беларусі. — НН). Пасля паездак, канечне, мог быць напалоханы крыху, бо доўга ў пераносцы, і ўсё ж дарога. А яшчэ калі аўчаркі там правяраюць. Але ўсё было добра, і такой агрэсіі ў яго не было», — расказвае Сяржук.

У дзень здарэння нічога не прадказвала бяды. Па словах суразмоўцы, кот мірна драмаў на фатэлі, гаспадыня нахілілася над ім, але той нечакана на яе накінуўся. 

«Кот на яе ўскочыў і пачаў кусаць, не адпускаў. Жонка з хаты ўцякала, а ён проста вісеў на руках і грыз. Яе суседзі адбілі, пачуўшы крыкі. Адразу выклікалі хуткую, бо крыві яна згубіла багата. Ён пакусаў ёй ногі, сцёгны, левую і правую рукі».

Наступствы нападу

Жанчыну забралі ў шпіталь, там зашылі раны, зрабілі першыя прышчэпкі супраць шаленства. Праз нейкі час пасля выпіскі Галіне давялося вярнуцца ў бальніцу зноў: раны пачалі гнаіцца і моцна балець, паднялася тэмпература. 

«Калі з левай рукі нават знялі бінты і проста апрацоўваюць ранкі, то якраз з правай пачалося ўскладненне — рука распухла, яна не можа ёй нічога браць ці сціснуць».

Сітуацыя для гаспадароў ускладняецца неразуменнем таго, што рабіць з катом. Пакуль ён жыве ў кватэры адзін, па вечарах Ціля прыходзіць карміць сусед, на ўсякі выпадак уваходзячы ў дом з палкай, бо баіцца. Такая ж сітуацыя і з Галінай: пасля таго, што адбылося, яна баіцца заставацца са сваім гадаванцам сам-насам. 

«Нават ветэрынар, якога мы выклікалі, каб ён ката паглядзеў, не рызыкнуў да яго наблізіцца. Падчас яго візіту ката зачынілі на балконе, і доктар праз акно назіраў за ім хвілін пяць. Сказаў, што рэакцыі і паводзіны ў яго нармальныя. Адкрываць балкон адмовіўся, бо баіцца. Пайшоў, даўшы паперку, што кот здаровы», — працягвае Сяржук.

Сяржук са сваім гадаванцам

Сам мужчына абдумваў розныя варыянты развіцця падзей: ад здаць ката ў прытулак на Гурскага да завезці некуды ў прыватны сектар, бліжэй да прыроды. У ідэале, канечне, да знаёмых ці сваякоў.

«Але рашэнне будзе за жонкай, бо яна настолькі да яго прызвычаілася… Яны жывуць разам, ужо чацвёрты год як я з’ехаў, удваіх жылі. Яна з ім пастаянна размаўляла…»

Чаму гэта адбылося — цяпер выказваюцца розныя здагадкі. Сяржук дапускае, што, можа, гэта звязана з тым, што якраз напярэдадні кату зрабілі чарговыя прышчэпкі, ён перажыў стрэс. Нехта лічыць, што прычына ў тым, што кот не кастрыраваны. Гаспадары прынцыпова не хацелі «гвалціць прыроду». 

Ветэрынар: Такія паводзіны ката могуць мець безліч прычын

Адназначнага адказу тут быць не можа — кажа ветэрынар, да якога «Наша Ніва» звярнулася па каментар. Тая ж кастрацыя — важны фактар для ацэнкі карціны, але далёка не вырашальны.

«Такія паводзіны ката могуць мець прыблізна 193 736 289 прычын. Вельмі часта гаспадары сцвярджаюць, што котка напала «знянацку», «без прычыны», а калі разбіраеш сітуацыю, аказваецца, што жывёла гадамі жыла ў хранічным стрэсе, ва ўмовах пазбаўлення патрэб, усімі спосабамі дэманстравала, што дрэнна сябе адчувае ў навакольным асяроддзі і стасунках, і проста праз гады ў яе скончылася трыванне».

Важна таксама ўпэўніцца, ці няма ў ката праблем са здароўем.

«Акрамя таго, што агрэсія можа быць выкліканая болем (хранічным ці вострым), раптоўныя перамены ў паводзінах жывёл вельмі часта сігналізуюць пра развіццё хвароб — у крайніх выпадках нават пра пухліны мозгу. Кату трэба правесці поўную дыягностыку, зрабіць рэнтген, УГД брушной поласці і сэрца, здаць пашыраны аналіз крыві, мачы, а таксама аналіз на гармоны шчытападобнай залозы».

Спецыяліст адзначае, што, згодна з данымі PubMed, толькі ў ЗША за год адбываецца каля каля 400 тысяч нападаў катоў на людзей. З сабакамі лічбы яшчэ большыя. 

Як пазбегнуць падобных сітуацый? Найперш — забяспечваць жывёлам усе ўмовы для іх патрэб. 

«Акрамя таго, варта прыкласці нямала высілкаў і даведацца нешта пра від, з якім вы хочаце жыць пад адным дахам, таму што жывёлы сапраўды рэдка нападаюць без прычыны. Трэба звяртаць увагу на сігналы, якія падае жывёла, і шанаваць іх. Ну, і клапаціцца пра стасункі з імі.

У дадзеным выпадку я б раіла адвесці ката на поўную меддыягностыку. А калі ён здаровы — да вельмі дасведчанага спецыяліста па паводзінах жывёл».

Каментары22

  • Каркуша
    24.08.2024
    Да уж. Праваабаронца. На гурского животное сдает. Ничего не скажешь, гордость нации. Просто не позорился бы. Даже не попытались выяснить что с животным. Тьфу
  • GNLS
    24.08.2024
    Навіна, якую мы заслужылі.
  • Жвір
    24.08.2024
    А яшчэ камары кусаюцца, халера. Увечары проста гамон, якія яны крыважэрныя ! Во, ізноў каля вуха зьвініць, нотай "мі бемоль" трэцяй актавы, зьвяруга, замінае зорамі дзівіцца.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць