Грамадства33

«А галаву ты дома не забыў?» Паглядзелі, пачым сёлета прадаюць кветкі да Дня ведаў

Дзень ведаў у гэтым годзе выпадае на 1 верасня, таму асноўныя першыя званкі ў школах і гімназіях прагучаць у панядзелак, 2 верасня. Для многіх абавязковы атрыбут лінейкі — букет для любімага настаўніка. Паглядзелі, у які кошт абыдуцца кветкі тым, хто не мае ўласнага ці бабулінага агародзіка ў распараджэнні.

Вечная класіка з ружамі будзе каштаваць ад 63 рублёў за 35 бутонаў.

 

Мінімалістычны тэматычны букет, напрыклад, з алоўкамі ўнутры могуць сабраць ад 26 да 45 рублёў.

 

Папулярная крама падарункаў Present.simple таксама прапаноўвае адмысловую калекцыю букетаў да Дня ведаў у тэматычным пакаванні з надпісамі «Вучаць у школе». Нават назвы кампазіцый вельмі гаваркія: «А галаву ты дома не забыў?», «Кабінет дырэктара», «Лондан із зэ кэпітал», «Белай крэйдай». 

У каментарах, праўда, можна сустрэць абурэнне некаторых карыстальнікаў, маўляў, за 45-85 рублёў прапаноўваюць такія тоненькія ветачкі. «Сорамна сабе ў вазу ставіць, не тое што дарыць за шалёныя грошы», — пракаментавала адна з жанчын. 

 

Эфектныя пышныя гартэнзіі, ветка якой ужо выглядае як самастойны букет, даступныя ад 55 рублёў. 

 

Старыя добрыя гладыёлусы і астры, якія можна купіць на рынку. Так, на Камароўцы прадаўцы просяць 15 беларускіх рублёў за букет з 11 астраў ці 6 рублёў за адзін гладыёлус.

Фота: mlyn.by

За адзін жа яркі сланечнік на рынку трэба аддаць пяць рублёў.

Кампазіцыі ў кошыках, якія зручна несці ў руках, каштуюць ад 50 рублёў у залежнасці ад прадаўца і складанасці дызайну. 

 

Падобныя кошты і ў крамах абласных цэнтраў. Так, такія вось варыянты абыдуцца бацькам і школьнікам у Магілёве ў 53 рублі. 

Прэзентабельна выглядаюць вяргіні, хрызантэмы ці дробныя рамонкі. Гарадзенская крама прапаноўвае сабраць мікс на любы густ ад 30 рублёў. 

 

Дарэчы, эколагі раяць усім, хто жыве з клопатам пра прыроду, абіраць менавіта сезонныя кветкі, тыя, якія выраслі ў натуральных умовах, без парнікоў і штучнага асвятлення. У Беларусі гэта ў пачатку восені найперш вяргіні, астры, гартэнзіі, гладыёлусы, сланечнікі, флёксы. Ну і старайцеся пазбягаць упакоўкі, асабліва пластыкавай.

Каментары3

  • Тэхнічка
    31.08.2024
    Настаўнікі - гэта ганьба Беларусі. Ніякіх кветак.
  • Народжаны ў 1998
    31.08.2024
    Тэхнічка, лёгка скінуць усе праблемы на настаўнікаў. Трэ не забываць, што гэта людзі, якія працуюць на дзяржаву (бо прыватных устаноў ужо няма), але яны ж таксама людзі. Тым больш не ўсе настаўнікі (і нават не большасць) падтрымліваюць луку
  • А навошта?
    31.08.2024
    У Польшчы кветак не даруць. Можа яшчэ і таму, што, у адрозненне ад беларусаў, ведаюць сваю гісторыю (1 верасня пачалася вайна, калі хто не ўцяміў- што датычна і заходняй Беларусі, калі што).
    А вы "празднуйте"

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць