Вайна11

Украінскія зенітныя дроны сталі таннай і эфектыўнай заменай артылерыі. У чым іх перавагі?

Па ацэнках спецыялістаў, зенітныя дроны з'яўляюцца сур'ёзнай праблемай для расійскіх верталётаў.

Ukraine effectively uses anti-aircraft drones Украина эффективно использует зенитные дроны Украіна эфектыўна выкарыстоўвае зенітныя дроны
Момант атакі зенітнага дрона. Скрын відэа: sternenko / X (Twitter) 

Аб тым, што ўкраінскія дроны сталі праблемай для расійскіх верталётаў, напісаў расійскі Z-ваенкар Fighterbomber. Па яго словах, «колькасць паражоных дронамі бартоў большая чым зенітнымі ракетамі».

Ukraine effectively uses anti-aircraft drones Украина эффективно использует зенитные дроны Украіна эфектыўна выкарыстоўвае зенітныя дроны

Пра тое, што ўкраінскія FPV-дроны сталі заменай артылерыі, прызнаюць і іншыя аўтары.

У жніўні з'явілася два відэа, на якіх зафіксавана паражэнне з дапамогай зенітных дронаў ударнага верталёта Мі-28 і транспартнага Мі-8 у Курскай вобласці.

Эксперты выдання Defense Express адзначаюць, што выкарыстаць беспілотнікі замест ракет менавіта ў змаганні з верталётамі магчыма праз тое, што ў апошніх у разы меншая хуткасць у параўнанні з рэактыўнымі самалётамі. Пры гэтым некаторыя FPV-дроны могуць развіваць хуткасць аж да 260 кіламетраў на гадзіну.

Акрамя гэтага, выкарыстанне так званага машыннага зроку на аснове камер у аптычным ці цеплавізарным дыяпазоне дазваляе спрасціць навядзенне FPV-дронаў.

Зразумела, што без сродкаў выяўлення цэлі, РЛС ці іншых, усё роўна не абысціся. Але яны, як адзначаюць спецыялісты, не абавязкова павінны ўваходзіць у комплекс, а могуць быць аб'яднаныя з ім праз аўтаматызаваную сістэму перадачы інфармацыі.

Яшчэ адной перавагай дронаў над ракетамі з'яўляецца памер, што дазваляе аднаму разліку запусціць значную іх колькасць. Да таго ж можна размеркаваць паміж беспілотнікамі ролі ў правядзенні атакі.

Такім чынам, адзначаюць спецыялісты, зенітны дрон з машынным зрокам аб'ектыўна становіцца самым маленькім, простым, мабільным і танным сродкам з усіх.

Да таго ж, у адрозненні ад ракеты, запуск дрона не суправаджаецца шэрагам дэмаскіруючых фактараў. Таксама такі зенітны дрон мае пасіўную наводку, супраць якой у сучасных верталётаў няма сродкаў барацьбы. Тыя комплексы, што выкарыстоўваюцца, наладжаны на абарону ад зенітных ракет, у першую чаргу з інфрачырвонай наводкай.

Пакуль расіяне спрабуюць змагацца з зенітнымі дронамі ўстаноўкай на верталёты самаробных комплексаў РЭБ.

Акрамя верталётаў, зенітныя FPV-дроны паспяхова збіваюць расійскія беспілотнікі-разведчыкі.

Каментары1

  • Данііл
    16.09.2024
    СПА, а не артылерыі.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю11

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся62

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай23

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю11

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць