Культура55

З’явіўся праект па вяртанні беларускай культурнай спадчыны Maldzis

Maldzis скіраваны на вяртанне культурных каштоўнасцяў Беларусі, вызначэнне «беларускіх мясцін» у свеце, а таксама наадварот — фактам замежнай прысутнасці ў гісторыі Беларусі, піша Budzma.org.

Maldzis галоўная

«Maldzis бачыць сваю місію ў аб’яднанні беларусаў вакол культурнай спадчыны і ўмацаванні вобраза Беларусі як еўрапейскай краіны. Мы лічым, што гэта найлепшы падмурак для пабудовы кансалідаванага грамадства з моцнай ідэнтычнасцю. Ініцыятыва атрымала назву ў гонар дзеяча культуры і навукоўца Адама Мальдзіса, які шукаў і вяртаў з забыцця страчаныя каштоўнасці і імёны Беларусі. Maldzis працягвае гэтую справу», — пішуць аўтары новага праекта.

Адам Мальдзіс
Адам Мальдзіс. Фота: planetabelarus.by

Хто стварае Maldzis?

Кіраўніком праекту выступае Павел Мацукевіч, былы дыпламат, аналітык «Цэнтра новых ідэй».

Апекуном — Рыгор Астапеня, палітолаг, стваральнік і кіраўнік «Цэнтра новых ідэй».

«Праект быў задуманы каля года таму разам з Рыгорам Астапенем, фактычна рэалізуецца намі ўвесь гэты час непублічна і вось цяпер выходзіць на людзі», — напісаў у сваім тэлеграм-канале Павел Мацукевіч.

Што робіць Maldzis?

Папулярызацыя спадчыны

Каманда стварае карту і гайды з інфармацыяй пра беларускія імёны і славутасці ў замежных краінах, а таксама са звесткамі пра заслужаных іншаземцаў у Беларусі. Ужо ёсць медыйныя прадукты пра выбітныя беларускія постаці і старадаўнія скарбы. Прэзентацыі і лекцыі.

Ушанаванне герояў і падзей

Каманда ўсталёўвае помнікі і шыльды ў гонар выбітных беларусаў і беларусак за мяжой, робіць тэматычныя выставы і мерапрыемствы. Называе беларускім усё, што мае беларускія карані. Шукае і набывае нацыянальныя культурна-гістарычныя каштоўнасці за мяжой для перадачы ў музеі Беларусі.

Прасоўванне культурнай дыпламатыі

Падтрымлівае ідэі і праекты ў галіне культурнай дыпламатыі з фокусам на культурнай спадчыне. Прасоўвае яе як сродак міжнароднага паразумення і паглыблення адносін.

Пакуль на сайце размешчаныя два гайды: «Сцежкамі ВКЛ у Вільні: якія месцы важныя для беларускай гісторыі», а таксама артыкул пра беларускія мясціны ў Швейцарыі.

Ян Завіша

У рубрыцы «Вяртанне культурных каштоўнасцяў» пазначаныя арыгінальны ліст і кніга вядомага швейцарскага філосафа і гісторыка літаратуры Роберта Зайчыка; справаздача аб кангрэсе па першабытнай антрапалогіі і археалогіі ў Бруселі ў 1872-ім годзе, складзеная вядомым археолагам, этнографам і фундатарам, бацькам Магдалены Радзівіл — графам Янам Завішам; артыкул з варшаўскага часопіса Tygodnik Ilustrowany за чэрвень 1872-га года з выявай пахавальні роду Манюшак на могілках у Радкоўшчыне. Усе набыткі ў будучым плануецца перадаць у адпаведныя музеі ў Беларусі.

Каментары5

  • Анты асаб
    17.09.2024
    Шматгаловы Грантасмог, пайшоў прэч, троль лукашысцкі!
  • Спору ў працы
    17.09.2024
    Вось гэта годны занятак! Дзякуй спадарам Паўлу ды Рыгору!
  • Жора
    18.09.2024
    Нехта сумняваецца, што гэты грант-праект спыніцца ў той жа дзень, як будзе здадзеная справаздача па засвоеным гранце?

    Астапеня...

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю44

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю44

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць