Свет

Абвінавачанага ў замаху на Захара Прылепіна асудзілі да пажыццёвага зняволення

Вайсковы суд у Расіі прысудзіў да пажыццёвага тэрміна Аляксандра Пермякова, абвінавачанага паводле справы аб замаху на расійскага пісьменніка і ўдзельніка вайны супраць Украіны Захара Прылепіна. Прызначыць такое пакаранне Пермякову прасіла пракурор, піша Бі-бі-сі.

Аляксандр Пермякоў. Фота: Медыязона

6 мая 2023 года ў Ніжагародскай вобласці выбухнуў аўтамабіль Прылепіна. Яго ахоўнік Аляксандр Шубін загінуў на месцы, а сам пісьменнік атрымаў сур'ёзныя раненні. Следчы камітэт Расіі распачаў тады справу аб тэракце.

Пермякоў быў адзіным абвінавачаным. Паводле версіі следства, у 2022 годзе ён, знаходзячыся ва Украіне, атрымаў указанні аб падрыве аўтамабіля Прылепіна і заехаў у Расію праз Латвію.

Сам Прылепін адмовіўся ўдзельнічаць у спрэчках і папрасіў прызначыць Пермякову пакаранне згодна з заканадаўствам.

Абвінавачаны ў спрэчках выказвацца не стаў, падчас судовага следства ён таксама адмовіўся ад дачы паказанняў. Следства заяўляла, што пасля затрымання ён прызнаўся, што здзейсніў злачынства па заданні ўкраінскіх спецслужбаў.

Сястра Пермякова на допыце распавядала, што яшчэ ў школьныя гады ён быў асуджаны ва Украіне паводле артыкулаў аб хуліганстве і разбоі, а ў 2015 годзе ваяваў на баку самаабвешчанай ДНР.

Увесну 2022 года, са слоў сястры, ён пераехаў у Хмяльніцкую вобласць Украіны «як перасяленец». Сваю паездку ў Расію ён патлумачыў сваячцы тым, што хацеў «зарабіць і быць далей ад вайны».

Служба бяспекі Украіны адмаўлялася казаць пра дачыненне або недатычнасць да замаху на Прылепіна — як гэта амаль заўсёды робяць спецслужбы ў падобных выпадках. 

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць