Свет

У Іспаніі моцныя дажджы прывялі да паводкі. Загінулі больш за 50 чалавек

Па даных іспанскіх метэаролагаў, усяго за восем гадзін у Валенсіі выпала 491 мм ападкаў, што адпавядае прыблізна гадавой норме.

У Іспаніі моцныя дажджы прывялі да паводкі. Фота: Alberto Saiz / AP

У выніку паводкі, выкліканай ліўневымі дажджамі ў іспанскім рэгіёне Валенсія, загінулі прынамсі 51 чалавек, паведамілі мясцовыя ўлады, піша Бі-бі-сі.

Кіраўнік рэгіянальнага ўрада Карлас Мазон заявіў, што выратавальная аперацыя ў пацярпелых раёнах працягваецца, і пакуль немагчыма ўстанавіць дакладную колькасць загінулых.

У сацыяльных сетках з'явіліся кадры, на якіх відаць, як патокі вады змываюць масты і аўтамабілі. На некаторых відэа людзі ўзбіраюцца на дрэвы, каб выратавацца ад паводкі.

Моцныя залевы прайшлі на ўсходзе і поўдні Іспаніі, у выніку чаго многія раёны аказаліся затопленымі, таксама было парушана чыгуначнае і авіязлучэнне. Некаторыя авіярэйсы, якія павінны былі прызямліцца ў Валенсіі, адменены або перанакіраваны ў іншыя рэгіёны. У гэтым іспанскім рэгіёне таксама цалкам спынена чыгуначнае злучэнне.

Па даных іспанскіх метэаролагаў, усяго за восем гадзін у Валенсіі выпала 491 мм ападкаў, што адпавядае прыблізна гадавой норме. Паведамляецца, што сотні мясцовых жыхароў, заблакаваных у затопленых раёнах, тэлефануюць у СМІ, спрабуючы атрымаць дапамогу або інфармацыю пра зніклых сваякоў.

Ратавальныя службы выкарыстоўваюць дроны для пошуку людзей. Дзясяткі жыхароў Валенсіі ўсю ноч чакалі выратавальнікаў у сваіх машынах, а таксама на дахах і мастах, пішуць мясцовыя СМІ.

«Мы сутыкнуліся з беспрэцэдэнтнай сітуацыяй, якой ніхто не памятае», — сказаў Маезон. Напярэдадні ўлады паведамлялі, што прынамсі сем чалавек зніклі без вестак у Валенсіі і паўднёва-ўсходняй правінцыі Альбасетэ.

Дзяржаўнае метэаралагічнае агенцтва Іспаніі AEMET абвясціла павышаны ўзровень небяспекі ў Валенсіі і некаторых частках Андалусіі. Мэрыя горада Валенсія заявіла, што заняткі ў школах і спартыўныя мерапрыемствы будуць адменены ў сераду, а гарадскія паркі застануцца закрытымі.

Прэм'ер-міністр Іспаніі Педра Санчэс заявіў, што з трывогай сочыць за паведамленнямі пра зніклых людзей, і заклікаў жыхароў пацярпелых рэгіёнаў «пазбягаць непатрэбных паездак».

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць