Грамадства99

Справай Васіля Верамейчыка зацікавіўся ГУР Украіны

Справай выдадзенага В'етнамам Беларусі добраахвотніка Васіля Верамейчыка занялося Галоўнае ўпраўленне разведкі Мінабароны Украіны, распавяла яго жонка Яўгенія.

Яўгенія лічыць, што дапамагчы ў гэтай сітуацыі на дадзены момант можа толькі адна краіна.

Такое меркаванне яна выказала ў інтэрв'ю LRT.

«Хутчэй за ўсё, адзіная дзяржава, якая можа дапамагчы цяпер, гэта Злучаныя Штаты Амерыкі. Шчыра кажучы, не веру ні ў Еўропу, ні ў спакойную вечна ААН, якая заўсёды ўсім толькі занепакоеная. Нават не хачу накіроўваць свае рэсурсы туды. 

Будзем думаць, як можна будзе дамаўляцца, можа, з новай адміністрацыяй Трампа. Можа, неяк выйсці на іх», — распавяла Яўгенія.

Паводле яе слоў, цікавасць да выратавання Васіля выказала і Галоўнае ўпраўленне разведкі Мінабароны Украіны.

«Ведаю, што ГУР узяўся за гэтую справу. Ведаю гэта ад яго пабрацімаў, якія ў Кіеве знаходзяцца. Ведаю, што ГУР звязваўся з бацькамі Васі, якія знаходзяцца ў Цэнтральнай Азіі. Спрабуюць разабрацца, зразумець, як яны могуць дапамагчы ў гэтай сітуацыі», — патлумачыла Яўгенія.

Былога каліноўца затрымалі ў В'етнаме 13 лістапада, а выдалі Беларусі 14-га.

34-гадовы Верамейчык скончыў Вайсковую акадэмію Беларусі і служыў у Печах. Са службы ён звольніўся ў 2016 годзе, пасля чаго працаваў у ІТ.

У 2020 годзе ён падтрымаў рух за свабодныя выбары, удзельнічаў у мітынгах і маршах. У лістападзе 2020 года яго затрымалі па падазрэнні ў падпалах аўтамабіляў супрацоўнікаў пракуратуры — якая ўжо тады стала адным з галоўных арганізатараў масавых рэпрэсій. Але пасля 10 сутак арышту ён выйшаў на волю: доказаў не знайшлі.

Напачатку 2021 года праз пагрозу паўторнага арышту эміграваў ва Украіну і жыў з сям'ёй у Львове.

Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?

Пасля нападу Расіі на Украіне ён адразу, у лютым 2022 года, далучыўся да беларускага батальёна імя Кастуся Каліноўскага. Служыў у ім намеснікам камандзіра батальёна «Волат» і быў узнагароджаны медалём «Украіна перш за ўсё».

Вядомы пад пазыўным «Пацук», ён удзельнічаў у баях у Херсонскай, Мікалаеўскай і Луганскай абласцях.

Каментары9

  • политзек
    22.11.2024
    [Рэд. выдалена]
  • Firerain
    22.11.2024
    Дзяржв'етконгаўцам - выпаленую зямлю!
  • Галя з Камароу́кі
    22.11.2024
    Лоль((, гледзячы на тое, ці есць чым гандляваць.

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць