Здарэнні55

Ахоўніку ў Хойніках дапамог адбіцца ад ваўка ролік у TikTok. Міліцыянеры застрэлілі драпежніка з восьмага разу

Падчас нападу мужчына раптам успомніў відэа, якое нядаўна трапілася ў рэкамендацыях, і гэта, магчыма, выратавала яму жыццё.

Фота: «Анлайнер»

Воўк напаў на вартаўніка фермерскай гаспадаркі ў Хойніцкім раёне 26 лістапада. Жывёліна пакусала Міхаілу Тарасенку рукі, учапілася ў нагу, але вартаўнік змог адбіцца і схавацца ў бытоўцы.

Сам Міхаіл расказаў «Анлайнеру», што дзейнічаў інтуітыўна.

«Усё адбылося, можа, за якую хвіліну. Было яшчэ цёмна, каля пятай раніцы, калі я пачуў брэх сабак і вырашыў выйсці на вуліцу паглядзець, што там адбываецца. Адчыніў дзверы — і ўсё, што паспеў заўважыць, гэта сабак, якія разбягаюцца, і ваўка, які ляціць да мяне. Ён схапіў мяне за нагу, я паспрабаваў разадраць яму пашчу, усунуў туды кулак і ў выніку адбіўся. Забег у бытоўку, падпёр дзверы і набраў першы нумар у мабільным — гэта быў нумар жонкі Наташы», — успомніў Міхаіл.

Жонка адразу зразумела, што здарылася бяда: раней муж не тэлефанаваў ёй так рана.

«Ён мне ніколі ў такі час не тэлефанаваў, а тут чую: «Мяне пакусаў воўк, выкліч хуткую і МНС» — і ўсё, на гэтым яго голас абарваўся. У мяне пачалася поўная істэрыка, шок. Усё, што я паспела ў яго спытаць, ці жывы ён. Ужо потым Міша мне расказаў, што не мог са мной гаварыць, таму што звер кідаўся на дзверы вартоўні, а ён іх трымаў, сцякаючы крывёй», — расказала Наталля.

Яна патэлефанавала суседу, а той набраў нумары міліцыі, хуткай і агульнага знаёмага Леаніда. Сябар, праўда, адразу выехаць на месца здарэння не змог: выйшаўшы на вуліцу, ён пабачыў каля машыны яшчэ трох ваўкоў.

Пазней Леанід усё ж змог дабрацца да фермы. Ён патэлефанаваў Наталлі і паведаміў, што яе муж жывы, але сцякае крывёй. А ваўка застрэлілі міліцыянеры — атрымалася далёка не з першага патрона.

«Мішу я пабачыла ўжо ў бальніцы. Ён казаў, што міліцыя прыехала першай, і воўк стаў кідацца на кіроўцу «уазіка». Толькі з восьмага патрона забілі таго ваўка, і толькі потым да Мішы змаглі падступіцца медыкі», — адзначыла Наталля.

А яшчэ яна ўспомніла цікавы момант: выратаваць жыццё яе мужу мог ролік у TikTok.

«Незадоўга да гэтага Міша мне расказваў, што бачыў у TikTok ролік пра тое, што рабіць пры нападзе драпежніка, і, калі ўсё здарылася, ён прызнаўся, што на секунду ўспомніў гэты ролік і зрабіў усё так, як там гаварылася», — расказала Наталля.

Аналізы засведчылі, што воўк быў хворы на шаленства. Цяпер Міхаіл праходзіць тэрапію: яму паставілі ўколы вакол раны, у вену і пад лапатку. Прагнозаў па выпісцы дактары пакуль не даюць.

Каментары5

  • Охотник
    02.12.2024
    "спецы",
    Вероятно всё же он стрелял из ружья картечью. Не думаю, что у него был пистолет или тем более короткоствольный автомат. Ни то, ни другое - не оружие для охоты. И попасть из них в подвижного зверя тяжело. Тем более у бешенного волка будет пониженный болевой порог. Не смертельная рана его не остановит. Вот поэтому и было много выстрелов.
  • "спецы"
    02.12.2024
    Охотник, ну канечне са стрэльбы. і на адлегласці. проста не думаю, што ён калі тую стрэльбу ў рукі браў да таго... а сабака пужаў усю вёску

    п.с. мужчына (вартаўнік) маладзец канечне. пашчасціла, што незадоўга ролік паглядзеў, нібы прадчуваў. была б веруючая, сказала б, што анёл яго збярог
  • Бывалы
    02.12.2024
    Не доработала пропаганда, нужно было написать, что мужику из Хойник помог отбиться от волка мерч первого с фразами великого лидера, видеоролик бт и марафон единства.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва60

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць