Свет22

Лясныя пажары ў Лос-Анджэлесе: пяць чалавек загінулі, у Малібу гараць дамы знакамітасцяў

Сітуацыю пагаршаюць моцны вецер і сухое надвор'е.

Фота: Ethan Swope / AP

Колькасць загінулых у выніку лясных пажараў у Каліфорніі павялічылася да пяці, піша Бі-бі-сі.

«Раней сёння мы паведамлялі пра двух загінулых. На жаль, колькасць загінулых узрасла да пяці», — сказаў шэрыф акругі Лос-Анджэлес Роберт Луна.

Па яго словах, пажары пакуль не лакалізаваныя, і колькасць ахвяр можа павялічыцца. Сітуацыю пагаршаюць моцны вецер і сухое надвор'е.

Улады заяўляюць, што ў раёне Лос-Анджэлеса працягваюць бушаваць пяць лясных пажараў, а ў зоне эвакуацыі пражываюць 150 тысяч чалавек. Плошча найбольш моцнага пажару ў раёне Пасіфік-Палісейдс паміж Санта-Монікай і Малібу перавышае 60 квадратных кіламетраў.

Па словах начальніка пажарнай аховы акругі Лос-Анджэлес Энтані Маронэ, там агонь знішчыў не менш за тысячу пабудоў. У Малібу на захадзе акругі Лос-Анджэлес знаходзіцца шмат дамоў знакамітасцяў.

У сераду выданне TMZ паведаміла, што на пляжы Малібу цалкам згарэў адзін з дамоў, які належыць акторцы і спявачцы Пэрыс Хілтан. Пазней сама Хілтан пацвердзіла гэта.

«Сэрца разбіта, нельга перадаць словамі. Сядзець з сям’ёй, глядзець навіны і бачыць, як наш дом у Малібу згарае дашчэнту ў прамым эфіры — гэта тое, што ніхто ніколі не павінен адчуваць. Гэты дом быў месцам, з якім звязана так шмат каштоўных успамінаў», — напісала яна ў Instagram.

TMZ таксама піша пра іншых вядомых жыхароў Лос-Анджэлеса, чые дамы пацярпелі ад пажараў. На прэс-канферэнцыі ў ноч на чацвер улады паведамілі, што яшчэ адзін пажар узнік у раёне Галівудскіх узгоркаў — адным з самых вядомых раёнаў Лос-Анджэлеса, дзе знаходзіцца знакаміты знак Галівуду.

Прэзідэнт ЗША Джо Байдэн абвясціў рэжым маштабнай стыхійнай бяды ў штаце Каліфорнія і загадаў аказаць федэральную дапамогу ў дадатак да намаганняў мясцовых уладаў па аднаўленні раёнаў, пацярпелых ад лясных пажараў.

Байдэн таксама адклаў запланаваны візіт у Італію, каб засяродзіцца на аказанні дапамогі ў сувязі з пажарамі.

Каментары2

  • Трансгендэрная Пажарніца
    09.01.2025
    Камуняны, не турбуйцеся, ўсё пад кантролем, За Каміфорнію!
  • Woodoo Cult
    10.01.2025
    [Рэд. выдалена]

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць