Грамадства2626

«Як кажа мая бабуля, цябе забяспечваюць два мужыкі — былы і Лукашэнка». Шматдзетная маці звярнулася да ўладаў у тыктоку

34-гадовая шматдзетная маці запісала зварот да Лукашэнкі. Просіць дапамагчы вырашыць яе сацыяльную драму.

Скрыншот відэа ў тыктоку

Жанчыну, якая апублікавала відэа ў тыктоку, завуць Юлія. Яна мае пяць дзяцей. Магло быць на дачку болей, але адна з дзяўчынак-трайнят загінула летась, не паспеўшы нарадзіцца.

Юлія просіць Лукашэнку вырашыць два пытанні, якія для яе цяпер найбольш актуальныя — знайсці няню і дапамагчы з жыллём.

— Сацыяльная служба няню не дала. Не даюць нават ставак, каб тую няню, якую знайшла я, аформіць. Прашу дапамогі ў пошуку няні. Каб яна была не толькі ў дапамогу мне, але і калі трэба кудысьці мне ад'ехаць (малую з садка забраць), то недзе і замест мяне.

@ledy_julia #мнрнрдетнаямама #дети#тройня #президент #помощь #республикабеларусь #мамагероиня ♬ Hope Never Dies (STEM synths) - Empire Score

Афіцыйна ў Беларусі сем'і, дзе выхоўваюцца двое і больш дзяцей, якія нарадзіліся адначасова, могуць звярнуцца ў тэрытарыяльныя цэнтры сацабслугоўвання з просьбай даць бясплатную няню. Для догляду двайнят — у межах 20 гадзін на тыдзень, трайнят — 40 гадзін на тыдзень. Опцыя даступная да таго моманту, пакуль дзецям не споўніцца 3 гады.

Юлія распавядае, што губляе шмат энергіі і рэсурсаў, калі адна займаецца пяццю дзецьмі, якія магла б накіроўваць на іх выхаванне і развіццё.

Шматдзетная маці таксама сцвярджае, што якраз цяпер знаходзіцца ў працэсе разводу з мужам.

— Наш тата аказаўся не гатовы да такой адказнасці. Ён цяпер ніяк фінансава не дапамагае. Я хадзіла ў адміністрацыю Савецкага раёна, цікавілася наконт пашырэння квадратных метраў. На дадзены момант мне адмовілі, таму што ў майго мужа ёсць ва ўласнасці нерухомасць. Гэта значыць ён са сваёй нерухомасцю застанецца, мы (Юлія мае на ўвазе сябе з дзецьмі. — «НН») ніякага дачынення не маем. А я з дзецьмі нічога пашырыць не магу, хоць ёсць на гэта права.

Таму Юлія просіць перанакіраваць яе ў іншую чаргу. Потым дадае, што было б супер, калі б ёй з дзецьмі далі дом. Скончыць зварот жанчыны спрабуе на пазітывы і дзякуе Лукашэнку.

— Я хачу падзякаваць вам за тое, што вы падтрымліваеце шматдзетныя сем'і. Дзякуючы вам у мяне ёсць трохпакаёвая кватэра і дзіцячыя грошы. Як кажа мая бабуля: «Цябе забяспечваюць два мужыкі — былы і Лукашэнка». Я з ёй цалкам згодна.

У апошні момант Юлія вырашае растлумачыць, дзе запісвае ролік — і паказвае заснежанае возера. Яна кажа, што тут развеялі прах загінулай дачкі.

Менш чым за суткі відэа набрала ў тыктоку 405 тысяч праглядаў і больш за 4 тысячы лайкаў. Але ў каментарыях падтрымкі жанчына не знайшла.

Каментары26

  • Прапанова
    10.01.2025
    Слухайце, ну зрабіце ўжо рубрыку "Ашалець", каб оптам можна было такі трэш чытаць
  • няня і дом за чужы кошт
    10.01.2025
    «Цябе забяспечваюць два мужыкі — былы і Лукашэнка».
    ...
    лукашэнка са сваёй зарплаты забяспечвае мо? не, мілая. цябе (дарэчы, а чаму яе, а не дзяцей?) усе працуючыя мужыкі і жанчыны краіны
  • /
    10.01.2025
    дык прах развейваць нібы нельга?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць