Грамадства1313

Прадзюсар тэлешоу на БТ паехаў у Польшчу па натхненне

Сяргей Мінскі — былы спявак, а цяпер прадзюсар «Фактар.бай» на БТ — паехаў у Варшаву на выставу, каб знайсці ідэі для новых праўладных мерапрыемстваў.

Сяргей Мінскі. Скрыншот відэа БТ

Спявак Сяргей Мінскі з’явіўся на беларускай эстрадзе напрыканцы 90-х. У 1998 годзе выступіў на «Славянскім базары», а ў 2001-м нават атрымаў узнагароду як спявак года.

Але нулявыя прайшлі, пра спевака падзабылі. Ён рашыў пайсці за кулісы і стаць прадзюсарам, а таксама стварыць івэнт-агенцтва «Ружовая зебра».

Дарэчы, гэтаму агенцтву давяралі праводзіць шмат падзей, якія нейкім чынам звязаны з дзяржавай. Напрыклад, з 2018 па 2020 год «Ружовая зебра» праводзіла Калядны хакейны турнір на прызы Лукашэнкі. А ў 2022 годзе ладзіла Кубак пасольства Расіі ў Беларусі, прысвечаны Дню Расіі.

Таксама супрацоўнікі івэнт-агенцтва ўдзельнічалі ў падрыхтоўцы вакальнага шоу БТ «Фактар.бай». А Сяргей Мінскі асабіста кожны тыдзень сустракаў у аэрапорце расійскую спявачку Вольгу Бузаву (яна была сярод настаўнікаў праекта), дарыў ёй кветкі і частаваў кавай з бутэрбродамі.

Але ўсё гэта летась не ўратавала «Ружовую зебру» падчас дзікага палявання ГУБАЗіКа на івэнт-агенцтвы. Па даносе Вольгі Бондаравай затрымалі аднаго з сузаснавальнікаў «Ружовай зебры» Алега Астраленку. Раззлавала даносчыцу тое, што ў інстаграме кампаніі былі відэа з мерапрыемстваў, якія праводзіў Яўген Булка. Пасля з акаўнта тэрмінова выдалілі 19 допісаў.

Мінкульт выключыў кампанію з рэестра арганізатараў культурных мерапрыемстваў. На працы Сяргея Мінскага затрыманне партнёра ніяк не адбілася. У яго застаўся другі праект — «Першая прадзюсарская кампанія», дзе Сяргей з’яўляецца дырэктарам.

У акаўнце кампаніі пазначана, што яна займаецца арганізацыяй шоу-тураў «Фактар.бай». «Першая прадзюсарская кампанія» піярыць артыстаў, якія гатовы спяваць «Надо!» Лукашэнку — напрыклад, Насцю Краўчанка і Мікіту Бялько.

Артысты кампаніі на чале з Сяргеем Мінскім прынялі ўдзел у праўладным флэшмобе «Надо!», каб падтрымаць рашэнне Лукашэнкі ісці на чарговыя выбары.

Цяпер Сяргей Мінскі падзяліўся ў сторыс у сваім інстаграме, што паехаў шукаць натхненне ў Польшчу — а канкрэтней, на выставу рэкламы і паліграфіі RemaDays, якая праходзіла ў Варшаве напрыканцы студзеня. Жартаваў, што знайшоў ідэі, якія будзе выкарыстоўваць «Першая прадзюсарская кампанія».

Каментары13

  • Лёлік з-пад Лімасола
    03.02.2025
    ну давайце так: не "паехаў", а польскія памежнікі пусцілі
  • Сонейка
    03.02.2025
    Лёлік з-пад Лімасола, вось да польскіх памежнікаў шмат пытанняў
  • ?
    03.02.2025
    А Минский - это его настоящая фамилия?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць