Свет44

У свеце значна зменшылася папуляцыя скумбрыі

Сумная сітуацыя склалася з-за празмернага вылаву рыбы. Паводле даных Таварыства захавання марскога асяроддзя (MCS), з 2009 года рыбаловамі з розных краін парушаюцца рэкамендацыі па здабычы скумбрыі, паведамляе выданне The Guardian.

Фота ілюстрацыйнае

Колькасць дапушчальнага вылаву ў розных краінах перавышаецца на паказчыкі ад 5 да 80%. За апошнія чатыры гады ў сярэднім празмерная здабыча дасягнула 39% звыш нормы.

Асцярогі цяпер выклікае нават вылаў паўночна-атлантычнай скумбрыі, якая лічылася самай «экалагічнай» — паказчыкі па яе здабычы перавышаныя на 23%. Усё гэта прывяло да зніжэння папуляцыі, а здабычу скумбрыі некаторыя зоаабаронцы называюць не інакш як «чысткай».

Таварыства захавання марскога асяроддзя кожны год выпускае «Кіраўніцтва па выбары добрай рыбы» (Good Fish Guide). Гэтым разам ягоныя аўтары выказалі сур'ёзныя асцярогі з-за скарачэння колькасці скумбрыі.

«Мы глыбока занепакоеныя тым, што некалі стабільная крыніца морапрадуктаў перажывае такі заняпад. Скумбрыя знаходзіцца ў небяспецы з-за прамысловых прадпрыемстваў многіх краін, і хутка яна будзе не ў стане забяспечваць саму сябе. Мы назіраем няўхільнае скарачэнне колькасці, і яна набліжаецца да крытычнага пункту».

«Кіраўніцтва па выбары добрай рыбы» выкарыстоўвае пяцібальную сістэму, па якой складае рэкамендацыі па лоўлі і ўжыванні рыбы. Калі прадукту ставяць балы ад 1 да 3, то гэта прымальны выбар, а 4-5 заклікаюць да асцярожнасці.

Цяпер паўночнаатлантычная скумбрыя з катэгорыі 3 трапіла ў катэгорыю 4, а з Паўночна-Усходняй Атлантыкі — у катэгорыю 3 з катэгорыі 2.

Таварыства захавання марскога асяроддзя аматарам рыбы рэкамендуе перайсці са скумбрыі на селядца і сардзіны — гэтым відам нібыта пакуль яшчэ нічога не пагражае.

Каментары4

  • Генік
    09.04.2025
    У рыбе у апошні час вельмі павялічылася колькасць паразітаў і мікрапластыка. У некаторай ртуць і іншыя цяжкія металы. На паразітаў правяраюць выбарачна, і не факт, што у той якая трапіцца вам іх не будзе. Той хто есць слабасалёную вельмі рызыкуе.
  • jack
    09.04.2025
    Генік, u skumbryi ich amaļ niama. Pišuc` roznaje, alie faktyčna skumbryja čystaja ryba, praz heta rynak jaje liubic`, tamu i vylaū taki.

    Inšaja sprava mintaj, toj duža čarvivy, čamu i spažyvajuc` toļki spinku, bo vantroby spres čarvivyja. Darečy, idzie na krabavyja palački, jak i sajda, traska dy inšyja traskovyja vidy ryby, praz ich bielaje miasa.

    Atliantyčny Paūnočna-uschodni sieliadziec taksama, nažaļ...

    Alie samy niebiaspiečny - marski akuņ. Kamu davodzilasia jaho pramyšliac`, toj viedaje, pra što ja kažu...
  • даведка
    10.04.2025
    В мире сильно сократилась популяция скумбрии, а подорожала вся рыба в Беларуси.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць