Грамадства88

«Савушкаў прадукт» трапіў пад хвалю крытыкі за паўпустыя ўпакоўкі

Беларус паскардзіўся ў TikTok на недавагу тварожнай пасты ад «Савушкавага прадукту». Вытворца папрасіў прабачэння, але аказалася, што гэта далёка не адзінкавы выпадак, піша выданне BGmedia.

19 красавіка ў тыктоку з'явілася відэа, дзе гродзенец скардзіцца на недавагу тварожнай пасты «Апеці пламбір» ад «Савушкавага прадукту». У кадры — паўпустая ўпакоўка, а на вагах — усяго 76 грамаў пры заяўленых 100.

Аўтар сцвярджае: «Адкрылі — засумняваліся. Праверылі запячатаную — там і ўвогуле 66 грам».

@mezurnishvili_akiaksey

♬ оригинальный звук - Алексей Мезурнишвили

«Савушкаў прадукт» падманвае насельніцтва», — паскардзіўся аўтар роліка.

Відэа хутка разляцелася па сацсетках і выклікала бурную рэакцыю. Аднак ужо праз тры дні мужчына паведаміў: вытворца адрэагаваў і даслаў цэлую скрынку ўзбітага тварагу.

«Гэта быў тэхнічны збой. Кампанія прынесла прабачэнні», — паведаміў аўтар новага відэа.

@mezurnishvili_akiaksey

♬ оригинальный звук - Алексей Мезурнишвили

Карыстальнікі тыктоку адрэагавалі на «прабачэнні» ад вытворцы па-рознаму. Хтосьці пахваліў кампанію за хуткую рэакцыю і гатоўнасць прызнаць памылку, іншыя ж успрынялі «кампенсацыю» з іроніяй.

«Выплакаў скрынку тварагу».

«Калі прыжмурылі — тады падарылі».

«Шчодры падарунак, хоць бы не збанкрутавалі».

«Малайцы, калі ўмеюць прызнаваць памылкі — гэта вялікага варта».

«Малайцы, што прызналі. Толькі ці прыбралі гэтую партыю з прылаўкаў?»

Але, відаць, «тэхнічны збой» на вытворчасці ў «Савушкавага прадукту» — справа звыклая, таму што зусім нядаўна ў тыктоку з'явілася аналагічнае відэа. Гэтым разам — ад беларускі, якая таксама выявіла недавагу ў тварагу з трускаўкай. І, па яе словах, гэта адбываецца ўжо не першы раз.

@merechko_yulia #савушкинпродукт#неприятнаяситуация ♬ оригинальный звук - merechko_yulia

«Вельмі люблю прадукцыю гэтага брэнда, але цяпер гэта ўсё выходзіць за рамкі майго разумення, тут няма нават паловы слоічка. Заяўленая вага — 120 грамаў, а сапраўдная — 96 грамаў, — абураецца аўтарка роліка. — Паважаны «Савушкаў прадукт», не турбуйцеся вы за нашы фігуры. Падавайце, калі ласка, тую колькасць прадукту, якая заяўленая. А колькі нам з'есці — мы самі вырашым».

У каментарах пад відэа пачалі ўсплываць падобныя выпадкі.

«Я так сыр тварожны купіла, нават ім на сайт пісала з дадаваннем усіх фота. Проста праігнаравалі і ўсё! Так непрыемна стала. І гэта не першы выпадак такі».

«Учора так купілі, усе чатыры ўпакоўкі былі не поўныя!!! Больш не будзем купляць… Дарма выкінутыя грошы».

«Савушкаў» зярнёны тварог учора адкрыла, запоўнены на дзве траціны. Я часта яго купляла, таму адразу розніцу заўважыла».

«Капец, я думала што я адна гэта заўважыла, але думала, што здалося, але выходзіць, што і праўда, не дакладваюць((( Мой шок у шоку».

«Гэта ўжо не ўпершыню. Я нават тэлефанавала на прадпрыемства, але нічога не змянілася».

Некаторыя карыстальнікі заступіліся за брэнд, нагадваючы, што збоі на вытворчасці здараюцца ва ўсіх, а кожную ўпакоўку ўручную не праверыш.

«Тут этыкетка нават з'ехала, мабыць, нейкі касяк у гэтай партыі быў».

«Упершыню такое бачу. Мне здаецца, у іх збой на вытворчасці».

«Я таксама купляю прадукцыю «Савушкаў» і мне заўсёды трапляюцца поўныя».

«Гэта вельмі рэдкая сітуацыя. Упакоўкі ўручную ніхто не напаўняе. У тэхнікі таксама бываюць збоі, як і ўсюды. Кожную ўпакоўку не ўзважыш. У цэлым выдатныя ёгурты, тваражкі».

Аднак іншыя задаюцца пытаннем: дзе кантроль якасці?

«Пішуць людзі: касякі вытворчасці. Але ёсць кантроль ці як?»

Каментары8

  • даведка
    07.05.2025
    Здесь про недовес, но если открыть упоминавшуюся уже сметана «Брест-Литовск», то стакан 380 г тоже визуально сильно неполный, минимум, где-то на четверть. А самая большой стакан сметаны, которую встречал, у «Молочный мир» 480 г, но и он грамм на 20 пустой. И коробка кукурузных палочек «Хрумстик» пустая на ~1/4.
  • Холмс
    08.05.2025
    Почему-то компьютерные сбои не разу не отработали в сторону увеличения содержания продукта в упаковке ;)
  • ::
    08.05.2025
    Danone делает лучше йогурты.

    Эти в основном десертные и то вкус так себе.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць