Вайна77

Украіна ў межах абмену з Расіяй перадала яшчэ аднаго палоннага беларуса. Раней пра яго палон не паведамлялася

Украіна ў межах абмену палоннымі 23 мая перадала Расіі грамадзяніна Беларусі Аляксея Чарнышова. Як паведамілі «Радыё Свабода» ва ўкраінскім праекце «Хачу жыць», Аляксея Уладзіміравіча Чарнышова захапілі ў палон нядаўна, але падрабязнасцяў не ўдакладнілі.

Расійскія палонныя, перададзеныя Украінай у рамках абмену 23 мая 2025 года. Скрын з відэазапісу Міністэрства абароны Расіі

Да вайны Аляксей Чарнышоў жыў у Наваполацку. Згодна з інфармацыяй украінскага боку, ягоная жонка Алена жыве або зарэгістраваная ў Віцебску.

Імя Чарнышова было ў раней апублікаваных украінскім праектам спісах грамадзян Беларусі, якія ваююць на баку Расіі. Вядома, што ён нарадзіўся 19 лютага 1969 года, але адсутнічаюць звесткі пра тое, калі і з якой вайсковай часцю Узброеных сіл Расіі Аляксей Чарнышоў падпісаў кантракт і ў якой зоне баявых дзеянняў трапіў у палон.

19 мая беларускага грамадзяніна ўключылі таксама ў базу ўкраінскага цэнтра «Міратворац», у якой з 2014 года збіраюць інфармацыю пра асоб, датычных да злачынстваў супраць Украіны.

«Вайсковы злачынец, замежны найміт-тэрарыст. Замах на суверэнітэт і тэрытарыяльную цэласнасць Украіны. Удзельнік расійска-беларускай агрэсіі супраць Украіны. Датычны да генацыду ўкраінскага народа праз вядзенне баявых дзеянняў супраць мірнага насельніцтва, грамадзянскіх аб’ектаў і інфраструктуры. Свядомае парушэнне дзяржаўнай мяжы Украіны», — адзначаецца ў картцы, заведзенай на Аляксея Чарнышова цэнтрам «Міратворац».

Згодна з інфармацыяй кіраўніка выканаўчага дырэктара цэнтра «Міратворац» Рамана Зайцава (у мінулым супрацоўніка тэрытарыяльнага ўпраўлення СБУ ў Луганскай вобласці), цяпер у базе знаходзяцца 574 грамадзяніны Беларусі, якія ваююць або ваявалі на баку Расіі. З іх, паводле Зайцава, 170 беларусаў ужо загінулі.

У праекце «Хачу жыць» паведамілі, што ў палоне ва Украіне знаходзіцца каля сотні грамадзян з 27 краін, якія «з надзеяй чакаюць, што Расія іх абмяняе», але Расія не спяшаецца іх забіраць. У той жа час пакуль невядома, ці будуць яшчэ беларусы сярод палонных, якіх плануюць перадаць 24 і 25 мая.

За ўвесь час абменаў палоннымі Украіна перадала Расіі шэсць беларусаў, якія ваявалі на расійскім баку і былі захопленыя ў палон: у 2020 годзе — Дзмітрыя Новікава, у 2024-м — Андрэя Герыловіча, Максіма Зязюльчыка і Максіма Запеку, у 2025-м — Дзмітрыя Ананчыка і Аляксея Чарнышова.

Каментары7

  • У расійскім палоне была больш беларусаў
    23.05.2025
    Андрусь, як мінімум аднаго беларуса ўкраінцы абмянялі яшчэ ў 2024 годзе. Але чамусьці ў дачыненні да таго чалавека ва ўкраінскіх СМІ не было ніводнай згадкі, што ён беларус.
  • Андрусь
    23.05.2025
    У расійскім палоне была больш беларусаў, дык, калі пра тое, што ён беларус не было згадак і ў беларускіх СМІ, то адкуль украінскія маглі гэта ведаць? Вельмі імаверна, што этнічных беларусаў з грамадзянствам Украіны ў палоне і цяпер шмат. Але Тромблі і Клешч - грамадзяне Беларусі.
  • Ёсік
    24.05.2025
    Андрусь, а вы не думалі аб тым, што яны ўжо даўно ў лукашэнкі?

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю44

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю44

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць