Меркаванні8686

Пазняк прыгадаў пра Ціханоўскага як «чалавека Масквы на спецзаданні ў Беларусі», але дапусціў ягонае выпраўленне

Пасля ранейшага безапеляцыйнага сцвярджэння, што ўлады «выпускаюць толькі прарасійскіх людзей, а не беларускіх патрыётаў», ветэран беларускага руху Зянон Пазняк паглядзеў прэс-канферэнцыю Сяргея Ціханоўскага, якая адбылася на другі дзень пасля ягонага вызвалення з турмы, і падкарэктаваў сваю пазіцыю ў бок яе змякчэння.

Зянон Пазняк

Паводле слоў Зянона Пазняка, на прэс-канферэнцыі Сяргея Ціханоўскага,

«прадэманстравана нагляднае сведчанне бесчалавечнасці лукашысцкага рэжыму. Чалавека на працягу пяці гадоў незаконна, з парушэннем існуючых турэмных інструкцыяў і правілаў, катавалі і прыніжалі рэальна за непрыняцце рэжыму Лукашэнкі ў час выбарчай кампаніі».

Пасля таго Пазняк даў адназначна негатыўную ацэнку дзейнасці Ціханоўскага пяць гадоў таму:

«У 2020 годзе беларус Сяргей Ціханоўскі запомніўся мне як чалавек Масквы на спецзаданні ў Беларусі. Ён наглядна ажыццяўляў распрацоўкі прарасейскай «апазіцыі» з клічам «Стоп таракан» замест «Жыве Беларусь» і з дэманстрацыяй надзвычай брыдкай з'явы — публічнага нашэння агромністага бутафорскага тапка-шлёпанца замест Пагоні, якім, маўляў, па звычаях расейскага быту, трэба біць таракана (а «таракан» — гэта Лукашэнка)».

У той жа час Пазняк заўважаў тады ў гэтым «чалавеку Масквы на спецзаданні ў Беларусі» і добрыя рысы: 

«Тым часам я бачыў з выгляду прыстойнага, рашучага, дзелавога хлопца-беларуса (хоць гаварыў па-расейску), крытычна настроенага, без фальшы ў паводзінах, здольнага на адкрытыя кантакты з людзьмі, які збіраў подпісы для ўдзелу ў выбарах і адначасна выступаў… за байкот выбараў».

Такога чалавека мусілі пасадзіць яшчэ да старту, думаў тады Пазняк, што ўрэшце і сталася.

«У мяне было адчуванне, што ён, магчыма, не благі хлапец, проста не туды трапіў і не там прыгадзіўся, як шмат якія беларусы ў прамаскоўскім рэжыме. Тым больш што «Ціханоўскі» — гэта прозвішча са шляхецкага беларускага роду, са шляхты, якая некалі секла маскалёў пад Мсціславам і Смаленскам. Я нават напісаў тады пра гэта ў адным з артыкулаў», —

прыгадвае ветэран беларускага руху, адзначаючы, аднак, што

«вобраз Сяргея Ціханоўскага застаўся ў палітыцы з 2020 года. Гэта прарасейскі чалавек, прыхільнік Пуціна і Масквы, асоба са спісу «Міратворац».

Аднак жа сітуацыя нават з такімі людзьмі можа мяняцца:

«На канферэнцыі я ўбачыў іншага чалавека. І гэты чалавек, што прайшоў праз пакуты, мне здаўся лепшым, чым той, што крычаў: «Таракан!» Магчыма, пакуты агалілі змест. Найперш у яго ёсць эмпатыя і жаль за іншых. Ён можа плакаць (гэта важна). І што для мяне нечакана — ён верыць у Бога і праваслаўны вернік (калі б толькі не РПЦ)».

А таму, лічыць Зянон Пазняк:

«Калі Бог паклаў вока на чалавека, Ён дапускае яму пакуты, якія той здольны выцерпець. Пасля цярпення можа стаць адраджэнне свядомасці, аднаўленне духа, бо чалавек праз пакуты здольны ўбачыць тое, чаго не бачыў раней».

Праўда, пры гэтым робіць і важную агаворку:

«Але можа і не быць прасвятлення. Тут вольны выбар і магчымасці асобы».

Каментары86

  • губляем час
    24.06.2025
    ёшкін троль гэты Пазьняк, а ніякі не палітык
  • Абу
    24.06.2025
    Мала хто ведае, што Ісус баяўся запытваць пра "Хто без граха..." ў прысутнасці Зянона...
  • Мх
    24.06.2025
    Ну што ж. Ціханоўскі сапраўды чалавек з дзелавымі якасцямі, праўда прарасейскі. Галоўнае, каб ён патрапіў у правільнае атачэнне.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць