Грамадства1010

36-гадовая айцішніца вырашыла кардынальна змяніць жыццё і паступіла ў медыцынскі ўніверсітэт — хоча стаць анколагам

Шчаслівай гісторыяй маладая жанчына падзялілася ў сацыяльных сетках. Беларусы ў каментарыях здзівіліся: высветлілася, шмат хто быў упэўнены, што пасля 30 гадоў у медыцынскі не бяруць.

Аляксандра Літашэнка. Фота з яе сацсетак

Беларуска Аляксандра Літашэнка распавяла ў трэдс, што амаль у 37 гадоў стала першакурсніцай лячэбнага факультэта БДМУ. Яна падзялілася, што ад смелай ідэі да паспяховага залічэння ва ўніверсітэт прайшло ўсяго 9 месяцаў.

Нехта з каментатараў падумаў, што жанчына раней працавала медсястрой, а цяпер вырашыла атрымаць дыплом лекара — што было б лагічна. Але не, Аляксандра адказала, што па першай адукацыі яна маркетолаг, а цяпер працуе праграмісткай. Пры гэтым, у інстаграме пачала весці блог як нутрыцыёлаг.

Раней Аляксандра распавядала, што думкі пра паступленне ў БДМУ ў яе ўзнікалі перыядычна: «Заўсёды гэта было ў фармаце «занадта складана, занадта позна, нездзяйсняльна, доўга, марнаванне часу».

Але летась жанчына пачала думаць над тым, не чаму жаданне немагчымае, а як яго здзейсніць. І так супала, што літаральна на наступны дзень у БДМУ быў Дзень адкрытых дзвярэй — Аляксандра вырашыла схадзіць і пацікавіцца.

Шчыра прызнаецца, што не было такога, каб яна адразу праніклася атмасферай. Але ж кажа, што на той момант для яе было важным зрабіць хоць невялікі крок у бок мары.

Паступаць вырашыла на лячэбны факультэт — завочнага аддзялення там няма, вучыцца трэба 6 гадоў. Здаваць неабходна было тры ЦТ — вясёлы квэст для чалавека, які скончыў школу ажно 20 гадоў таму.

Аляксандра пачала глядзець адукацыйныя ролікі ў інтэрнэце, спрабавала рабіць заданні тэсціраванняў мінулых гадоў. Пасля новага года зразумела: без рэпетытараў па хіміі і біялогіі падрыхтавацца наўрад ці атрымаецца. Знайсці настаўнікаў аказалася не вельмі проста — шмат хто адмаўляўся працаваць з такой дарослай абітурыенткай.

У выніку абітурыентка здала рускую мову на 89 балаў, хімію на 80 і біялогію на 91.

Аляксандра смяецца з таго, што малады хлопец, які падчас прыёму дакументаў у БДМУ правяраў, ці ўсе неабходныя паперкі прынеслі абітурыенты, адрэагаваў цікава: «Ого! Ваш школьны атэстат старэйшы за мяне!».

На платнае аддзяленне паступіць атрымалася. Аляксандра кажа, што пакуль у будучыні бачыць сябе анколагам, але дапускае думку, што за гады вучобы можа абраць і іншую спецыялізацыю.

Каментатары жартуюць, што ў Аляксандры ёсць адзін вялікі бонус. Калі яна скончыць універсітэт, ніхто не будзе ставіцца да доктаркі несур’ёзна (а з гэтым даволі часта сутыкаюцца маладыя спецыялісты) — усе будуць адразу думаць, што ў яе ўжо ёсць салідны працоўны досвед.

Каментары10

  • Елена
    04.08.2025
    Всегда с удовольствием читаю такие статьи, сравниваю со своей историей - высшее образование в педунивере, работа в школе - 4 года, работа в в IT менеджером -12 лет. Переезд - релокация и ...все с новой страницы - новая профессия - реабилитолог, 3 года дневного обучения, зубрешка на латыни и немецком. А мне 44-47 лет. Может и такая история интересна?:)
  • Qwerty
    04.08.2025
    Если из медицины люди переходят в it-шку то почему нельзя из it-ки перейти в медицину.
  • Практолаг
    04.08.2025
    У беларускай дзяржаўнасьці очэнь не хапае практолагаў, засталіся адныя патолагаанатамы :(

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць