Мова1717

«Корж ультануў». А чаму ўльтануў?

Словы «ўльта» ці «ультануць» прыйшлі ў мову са слэнгу камп'ютарных гульняў. Але набылі новыя адценні сэнсу.

Макс Корж, 2020 год. Архіўнае фота

«Корж ультануў» — такімі словамі ў адным з чатаў чалавек суправадзіў перапост запісу Макса Каржа пра тое, што «на канцэртах няма месца радыкальнаму нацыяналізму, агрэсіі і гвалту». Людзі зразумелі іронію.

«Корж ультануў дзве хвіліны таму». Скрыншот з чата

Ультануць — значыць паказаць максімум сваіх магчымасцяў; здзівіць; зрабіць нешта магутнае і нечаканае; пайсці з казыроў — часам у іранічным сэнсе, як у выпадку з пастом Каржа, а часам і не.

«Мелказёраў ультануў у канцы» — пісаў каментатар на сайце «Нашай Нівы» пра гутарку ў «Жыцці-маліне» з Сяргеем Ціханоўскім.

«Я паспела! Не ведала, ці паспею з артам, але вось, ультанула» — піша чалавек у твітары пра свой новы малюнак у стылі манга.

Слова «ультануць» пайшло ад англійскага тэрміна ultimate skills — суперсіла; гранічныя, выключныя здольнасці.

Гэтая суперсіла наносіць праціўніку значна большую шкоду, чым звычайныя здольнасці. Напрыклад, гэта здатнасць правесці асаблівую атаку, якая стане для праціўніка нечаканасцю і знішчыць яго ці адбярэ ў яго амаль усю энергію (або не стане, калі праціўнік дасведчаны і хітры).

Доўгае словазлучэнне ultimate skills у геймерскім асяроддзі ператварылася ў «ульту́». А ад назоўніка «ульта́» ўтварыўся дзеяслоў «ультану́ць», які ад пачатку азначае ўжыванне суперсілы ў нечаканы момант.

Так што ультуйце, рабіце немагчымае, рабіце, як не робіць ніхто — і тады пераможаце. Ці прынамсі заробіце грошай, як Корж.

Каментары17

  • Шрэк
    18.08.2025
    Гэта артыкул для бумераў напісаны з дапамогай ШІ?
  • Найперш не галасі!
    18.08.2025
    Вальтануў
  • Кралалаал
    18.08.2025
    Калі гэта была ўльта, то Макс Корж - NPC.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць37

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць37

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць