Грамадства22

Антаніна Канавалава расказала, як яе прымушалі падпісаць прашэнне пра памілаванне

Былая палітзняволеная Антаніна Канавалава, якая ў 2020 годзе была даверанай асобай кандыдаткі ў прэзідэнты Святланы Ціханоўскай, расказала ў эфіры тэлеканала «Белсат» пра тое, як сілавікі ў калоніі прымушалі яе падпісаць прашэнне пра памілаванне. А таксама адказала на цяперашнія спробы яе дыскрэдытацыі з боку сілавікоў.

Былая палітзняволеная Антаніна Канавалава. Вільня, Літва. 7 красавіка 2025 года. Фота: Белсат
Былая палітзняволеная Антаніна Канавалава ў Вільні. 7 красавіка 2025 года. Фота: «Белсат»

Антаніна Канавалава адзначыла, што па сваім памілаванні «выйсці наогул не павінна была». Яна раказала, што на прашэнне на імя Аляксандра Лукашэнкі ёй прыйшла адмова. Але затым летам 2024 года да яе ў калонію прыехалі супрацоўнікі КДБ, пракуратуры і ГУБАЗіКа і прымусілі пад дыктоўку пісаць новае прашэнне.

«Супрацоўнік КДБ мне дыктаваў пра тое, што я, Канавалава Антаніна Сяргееўна, абавязваюся не парушаць закон Рэспублікі Беларусь, прашу памілавання ў прэзідэнта. І ў канцы ён мне кажа, што вам трэба дапісаць фразу, што вы лічыце, што Святлана Ціханоўская лічыць людзей ці народ, я ўжо дакладна не памятаю, мясам», — сказала былая палітзняволеная.

Замест таго каб пісаць прадыктаванае, Канавалава выйшла, думаючы, што яе ўжо не вызваляць. Так і адбылося: у жніўні 2024 года, як першапачаткова меркавалася, яна на волю не выйшла. Але ў кастрычніку ёй зноў прапанавалі напісаць прашэнне:

«Не было ніякіх сілавых метадаў, нічога мне не білі, але было сказана, што вы ведаеце, што за гэтым рушыць услед, калі вы не падпішаце».

Гэтым разам, аднак, ад яе ўжо не патрабавалі пісаць нічога супраць Ціханоўскай, толькі просьбу аб памілаванні — «літаральна, напэўна, тры-чатыры сказы». Пасля гэтага яе вызвалілі.

Неўзабаве пасля свайго выхаду з калоніі Канавалава прызналася, што падчас знаходжання ў калоніі была прымушаная напісаць пагадненне аб супрацы з адміністрацыяй. Цяпер прапагандысцкія рэсурсы спрабуюць яе дыскрэдытаваць, публікуючы звязаныя з ёю дакументы пра гэта.

Канавалава мяркуе, што атакі на яе з боку сілавікоў, якіх яна называе карнікамі, будуць працягвацца яшчэ доўга. Але, з яе слоў, «калі ў іх там падгарае, значыць, я іду правільнай дарогай». Былая палітзняволеная падкрэсліла, што ёй хаваць больш няма чаго.

Канавалава паведаміла, што збіраецца прайсці дэтэктар хлусні, каб зняпраўдзіць усе іншыя абвінавачванні ў свой адрас, даказаць людзям, што на сённяшні дзень ніякіх сувязяў з сілавікамі яна не падтрымлівае.

«І мець ніколі не буду. І яны гэта выдатна ведаюць. Таму яны такім чынам спрабуюць мяне дыскрэдытаваць», — сказала яна.

Давераная асоба Святланы Ціханоўскай Антаніна Канавалава была затрыманая 6 верасня 2020 года. Ёй прысудзілі пяць з паловай гадоў калоніі за «масавыя беспарадкі». Пасля быў арыштаваны і яе муж Сяргей Ярашэвіч. Дзеці Антаніны засталіся з бабуляй. Антаніна Канавалава выйшла па памілаванні 10 снежня 2024 года, пасля чаго з'ехала за мяжу.

Каментары2

  • ДИН
    25.08.2025
    Оказывается, если ты от Тихановской, тебе можно всё)
    Дудкин, учись!
  • Віталь
    26.08.2025
    Так тыя даносы, што зараз публікуюць - не яе?
    Я не асуджаю, проста цікава

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць