Вайна1212

Расійскія ракеты навучыліся абыходзіць Patriot: абарона Кіева слабее

Мадэрнізацыя расійскіх ракет паставіла пад сумнеў магчымасці Patriot у небе над Украінай. Як піша Financial Times, ракеты манеўруюць і абыходзяць сістэмы СПА ў апошнія імгненні перад ударам.

Амерыканскія зенітна-ракетныя комплексы Patriot. Фота: Mindaugas Kulbis / AP

У апошнія месяцы павялічылася колькасць расійскіх разбуральных авіяўдараў па тэрыторыі Украіны. І гэта, як піша Financial Times, сведчаць, што Масква дамаглася істотнай мадэрнізацыі сваіх ракет, зрабіўшы іх больш эфектыўнымі супраць украінскай супрацьпаветранай абароны, уключаючы амерыканскія комплексы Patriot.

Паводле інфармацыі, якую Financial Times атрымала ад украінскіх і заходніх афіцыйных асоб, гаворка ідзе пра мадыфікацыю мабільных комплексаў «Іскандэр-М» (дальнасць палёту запушчаных ракет складае да 500 км) і аэрабалістычных ракет «Кінжал», якія могуць праляцець адлегласць да 480 кіламетраў.

Калі раней іх траекторыя была ў цэлым прадказальнай, то цяпер ракеты здольныя на фінальным участку палёту выконваць складаныя манеўры: рэзка мяняць курс, блытаць радары і пераходзіць у амаль вертыкальнае пікіраванне.

Гэта значна ўскладняе працу сістэм Patriot, якія з'яўляюцца адзінымі ва ўкраінскім арсенале, здольнымі збіваць балістычныя цэлі.

У той час, як крылатыя ракеты могуць збівацца іншымі, менш складанымі сістэмамі СПА, супраць балістычных пагроз эфектыўныя толькі «Пэтрыёты». Адзін з былых украінскіх чыноўнікаў назваў гэтыя змены «пераломным момантам для Расіі».

Ракета «Кінжал», збітая над Кіевам 4 мая 2023 года. Фота: Суспільне

Паводле публічных дадзеных украінскіх ВПС, сабраных лонданскім Цэнтрам інфармацыйнай устойлівасці і прааналізаваных Financial Times, узровень перахопу балістычных ракет ва Украіне палепшыўся за лета, дасягнуўшы 37% у жніўні, але ў верасні рэзка ўпаў да 6%, нягледзячы на меншую колькасць запускаў.

Нядаўна Ваенна-паветраныя сілы Украіны паведамілі, што ўсе чатыры запушчаныя за ноч ракеты «Іскандэр-М» абмінулі абарону і дасягнулі сваіх цэляў.

Паводле паведамленняў, гэтым летам у Кіеве і ваколіцах былі моцна пашкоджаны ракетамі як мінімум чатыры заводы па вытворчасці беспілотнікаў, у тым ліку прадпрыемства, якое вырабляла турэцкія дроны Bayraktar. Падчас адной з такіх атак ракеты не толькі паразілі цэх па вытворчасці кампанентаў для БПЛА, але і пашкодзілі размешчаныя побач офісы прадстаўніцтва ЕС і Брытанскага савета.

Гэтыя даныя пацвярджаюцца і ў справаздачы Агенцтва ваеннай разведкі ЗША (DIA), дзе адзначаецца, што Узброеныя сілы Украіны сутыкнуліся з цяжкасцямі пры выкарыстанні Patriot з-за нядаўніх тактычных удасканаленняў Расіі.

Тэхналагічная гонка

Аналітыкі мяркуюць, што Расія дасягнула гэтага не за кошт дарагіх апаратных змен, а шляхам праграмнай мадэрнізацыі сістэм навядзення. Масква аналізуе даныя аб перахопах і ўносіць карэктывы, каб зрабіць палёт ракеты максімальна складаным для сістэм СПА.

У адказ Украіна перадае інфармацыю аб працы Patriot у Пентагон і амерыканскім вытворцам (Raytheon і Lockheed Martin) для распрацоўкі контрзахадаў. Аднак, па словах аднаго з чыноўнікаў, гэтыя абнаўленні часта не паспяваюць за хуткасцю расійскіх тактычных змен.

Акрамя тэхнікі, Расія мэтанакіравана палюе на самі комплексы Patriot і на іх высокакваліфікаваных аператараў. Так, у снежні 2024 года падчас расійскага ўдару загінуў падпалкоўнік Дзяніс Сакун, галоўны інжынер зенітна-ракетнага падраздзялення, які ўдзельнічаў у першым у свеце паспяховым перахопе ракеты «Кінжал».

Пагроза напярэдадні зімы

Новая тактыка Расіі стварае асабліва вострую пагрозу напярэдадні зімы. Прэзідэнт Уладзімір Зяленскі папярэджвае, што Масква, верагодна, вернецца да сваёй традыцыйнай стратэгіі — масавых удараў па энергетычнай інфраструктуры, каб пагрузіць краіну ў цемру і знізіць маральны дух насельніцтва.

Аднак сёлета, з улікам павышанай эфектыўнасці расійскіх ракет, гэтая пагроза становіцца значна больш сур'ёзнай, чым мінулай зімой.

Украіна не раскрывае дакладную колькасць і размяшчэнне сваіх сістэм, але вядома, што было пастаўлена як мінімум шэсць батарэй, а кампаненты яшчэ для трох нядаўна прыбылі з Германіі і Нарвегіі. Гэтага катастрафічна недастаткова для абароны ўсёй краіны. Менавіта таму Зяленскі настойліва заклікае заходніх партнёраў паскорыць пастаўкі, прапануючы набыць да дзесяці поўных комплексаў Patriot.

Разам з просьбамі аб пастаўках новых сістэм СПА Кіеў падкрэслівае неабходнасць іншага, не менш важнага кроку. Украінскія дыпламаты настойваюць на тым, каб партнёры перакрылі каналы паставак заходніх кампанентаў у Расію, у тым ліку праз такія краіны, як Кітай. Бо пакуль Масква мае доступ да сучасных тэхналогій, яна будзе працягваць удасканальваць сваю зброю, робячы абарону ўсё больш складанай і дарагой.

Каментары12

  • Хто та врот
    02.10.2025
    Как посольства оказались рядом с заводами на которых собирали беспилотники? Совпадение? Не думаю.
    Судя по отчётам сбивалось 11 из 10 ракет, а это оказывается только 37%
  • Почти все, что падает на мирных - это сбитые
    02.10.2025
    Хто та врот, Урут, как британский хозяева учили, и не краснеют.
  • Почему нет детский садиков, школ и больниц с бабушками?
    02.10.2025
    Редакция, не дорабатываете.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць