Грамадства44

У мінскім парку з'явіліся незвычайныя скульптуры з дрэва і металу ФОТЫ

Новыя зоны адпачынку з'яўляюцца ў Мінску рэгулярна. Адзін з апошніх набыткаў сталіцы — змены ў Антонаўскім парку. Гэта зона адпачынку размяшчаецца паміж пасёлкам велазавода і Трактаразаводскім пасёлкам, піша «Анлайнер».

Свой кавалачак Сляпянскай воднай сістэмы, дарослыя дрэвы, дарожкі ўздоўж вады. Месца прыемнае і ціхае. А з нядаўніх часоў яшчэ і даволі незвычайнае: парк не толькі акультурылі, але і ўпрыгожылі скульптурамі. Вельмі яркімі і своеасаблівымі. 

Раней пальму першынства ў катэгорыі незвычайнасці трымалі фігуры, устаноўленыя на Мухлі. Цяпер у іх з'явіліся гратэскныя сябры з металу і дрэва ў Ленінскім раёне.

Змяняць парк пачалі яшчэ ў мінулым годзе. Праца была праведзена велізарная, бо ні дыхтоўных тратуараў, ні сучасных лавачак тут і блізка не было. Вось як апісвае маштабы праведзенага агенцтва «Мінск-Навіны»:

«Работнікі «Зелянбуда Ленінскага раёна» прасунуліся ўглыб прыкладна напалову. Прыбралі лішнюю расліннасць, пашырылі з 2,5 да 3 м дарожку, нанеслі на яе пакрыццё з асфальтагрануляту з даданнем гранітнай крошкі і паклалі новыя бардзюры.

Паставілі 15 новых лавачак. Уладкавалі некалькі лакацый для дзяцей, у тым ліку вяровачны гарадок з сімпатычнымі драўлянымі канструкцыямі і з сярэднявечным міні-замкам, а таксама спартыўную зону з антывандальнымі трэнажорамі, турнікамі, брусамі. Іх калегі з ЖКГ збудавалі агароджаную пляцоўку для выгулу сабак».

Улетку гэтага года зелянбудаўцы займаліся ўжо пераважна расліннасцю: дрэвы трэба было абследаваць, абрэзаць, лішняе высечы. Урэшце прыступілі да «дэкаравання». Так у парку і пасяліліся незвычайныя героі.

Галоўны персанаж — Карлсан, які трымаецца за стойку старадаўняй свяцільні, абсталяванай сонечнай батарэяй. Кожны ахвотны можа пакруціць прапелер казачнага героя. Крыху наводдаль размясціўся жалезны «Вадалаз», які ахоўвае асвятляльную мачту, што таксама сілкуецца сонечнай энергіяй. Паміж імі ўладкаваліся «Рыба» і «Матылёк».

Увагу прыцягвае і драўляная скульптура «Мысляр» — яе, як і стойку з кармушкамі для птушак, выразалі майстры «Зелянбуда Ленінскага раёна».

«Гэта лакацыя ўжо стала фотазонай, як і было задумана, — заўважае дырэктар «Зелянбуда Ленінскага раёна» Аляксандр Васілеўскі.

У парку таксама можна знайсці валейбольную пляцоўку і варкаўт-зону з трэнажорамі пад навесам.

Каментары4

  • які-ніякі, але
    09.10.2025
    крэатыў аднак
  • Лол
    09.10.2025
    Скульптуры ў стылі агратрэша, усё іншае бедненька, але чысценька.
  • Луна
    07.11.2025
    Гэта лепш, чым нiчога, а насамрэч, зараз там стала вельмi добра шпацыраваць, утульненька.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю13

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся62

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай24

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю13

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць