Грамадства11

Барыс Хамайда на Дзяды наведаў месца масавых сталінскіх расстрэлаў у Віцебскім раёне

Вядомы віцябчук Барыс Хамайда на Дзяды адведаў могілкі сяброў і месца масавых сталінскіх расстрэлаў каля вёскі Паляі, што ў Віцебскім раёне. У розныя гады памінальныя імпрэзы праходзілі па-рознаму: бывалі такімі масавымі, што даводзілася замаўляць аўтобус, каб змясціць усіх ахвотных, а бывалі і такія, як сёлета — калі да Барыса Хамайды далучаліся ўсяго 1‑2 чалавекі, пішуць віцебскія праваабаронцы.

Барыс Хамайда. Архіўнае фота

Гэтай традыцыі ўжо амаль 20 гадоў. Самы першы раз Барыс Хамайда наведаў могілкі на Дзень памяці ў 2006 годзе — калі прыязджаў на магілу свайго найбліжэйшага паплечніка Уладзіміра Плешчанкі, якога не стала ў той год. У свой час Плешчанка ўзначальваў Віцебскую арганізацыю КХП БНФ, быў адным з арганізатараў супраціву ГКЧП у Віцебску ў жніўні 1991 года. Яго пахавалі на Фалькоўшчынскіх могілках каля вёскі Друкава, грошы на помнік збіралі грамадой. Штогод Барыс Хамайда прыязджае на месца спачыну свайго сябра.

Шмат аднадумцаў Хамайды пахаваныя на гарадскіх могілках «Копці». Могілкі вялікія, але сябры разам з Барысам Хамайдам заўсёды імкнуліся абысці ўсе дарагія магілы.

Апошнім пунктам падарожжа памяці заўсёды быў мемарыял каля вёскі Паляі. У лесе ля Паляёў ляжаць сотні, а магчыма, і тысячы невядомых ахвяр сталінскага рэжыму. Пра гэтае месца стала вядома ў канцы 1980‑х дзякуючы ўспамінам мясцовых жыхароў.

«Там, у лесе, у 50 метрах ад шашы, стаіць вялікі металічны крыж з надпісам «Ахвярам таталітарнага рэжыму». Паклалі кветкі, запалілі свечку. Прачытаў малітву за Беларуcь», — напісаў Барыс Хамайда ў фэйсбуку.

Каментары1

  • Жыве Беларусь!
    02.11.2025
    Нізкі паклон. Важна памятаць, Беларусь. Ніколі не забудзь!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць