Грамадства5252

Андрэя Пачобута памянялі на лукашэнкаўскіх шпіёнаў, арыштаваных у Польшчы

Палітзняволены журналіст выйшаў на волю ў выніку абмену на шпіёнаў. Абмен, які ўдалося арганізаваць дзякуючы ўдзелу 7 краін, прайшоў па формуле «пяць на пяць». Пачобута на мяжы сустракаў прэм’ер-міністр Польшчы Дональд Туск.

Прэм’ер-міністр Польшчы Дональд Туск сустрэў Пачобута на мяжы. «Сардэчна запрашаем у польскі дом, сябар», — падпісаў ён фота ў твітары

Андрэй Пачобут — журналіст з Гродна, даўні карэспандэнт польскага выдання Gazeta Wyborcza і член «Саюза палякаў Беларусі». За яго вызваленне беларусы і Польшча змагаліся пяць гадоў.

Як піша БелТА, на мяжы Беларусі і Польшчы прайшоў абмен затрыманымі па формуле «пяць на пяць». 

«Тое, што адбываецца, з'яўляецца кульмінацыяй складанага і працяглага перамоўнага працэсу паміж КДБ Беларусі і Агенцтвам разведкі Польшчы», — піша БелТА. 

Паводле інфармацыі агенцтва, перамовы пачаліся ў верасні 2025 года. «Адпраўным пунктам да іх арганізацыі паслужыў зварот да Аляксандра Лукашэнкі асобных лідараў дружалюбных нам краін», — перадае Белта словы суразмоўцы. Імаверна, маецца на ўвазе зварот ЗША. 

У абмене, паводле дзяржагенцтва, удзельнічалі спецслужбы сямі дзяржаў.

«Дзякуючы ўзважанай пазіцыі і нацэленасці бакоў на пошук узаемавыгадных рашэнняў, удалося пераадолець рознагалоссі і дасягнуць станоўчага выніку», — піша Белта.

У выніку аперацыі дзесяць грамадзян розных краін былі вызвалены. Беларусь і Расія вызвалілі трох грамадзян Польшчы і двух грамадзян Малдовы. Сярод грамадзян Польшчы маецца на ўвазе і Андрэй Пачобут. Выглядае, у яго два грамадзянствы, беларускае і польскае.

Узамен з Еўрасаюза паехалі пяць грамадзян, «затрыманых на тэрыторыі розных краін ЕС і іншых дзяржаў». Гэта грамадзяне Беларусі, Расіі і іншых краін СНД. У тым ліку Польшча аддала Расіі арыштаванага археолага Аляксандра Буцягіна. Яго арыштоўвалі па просьбе Украіны за раскопкі ў Крыме.

Паводле Белта, Андрэя Пачобута вызвалілі на просьбу яго маці і Анжалікі Борыс.

Абмен Пачобута адбыўся ў Белавежскай пушчы на пешаходна-веласіпедным пункце пропуску Перароў — Белавежа.

Пачобута на волі вітаў прэм’ер-міністр Польшчы Дональд Туск. У руках Пачобут трымаў беларускі пашпарт.

Раней сёння ў Варшаве адбылася сустрэча міністра замежных спраў Польшчы Радаслава Сікорскага і спецпрадстаўніка прэзідэнта ЗША па Беларусі. «Важныя справы», — так Сікорскі пракаментаваў іх сустрэчу ў X. 

«Мая каманда і я дапамаглі дамагчыся вызвалення трох грамадзян Польшчы і двух грамадзян Малдовы. Гэты гістарычны вынік стаў магчымы дзякуючы лідарству прэзідэнта Трампа, Крысу Сміту і яго камандзе ў Дзярждэпартаменце, а таксама цеснай каардынацыі з некалькімі надзейнымі партнёрамі. Мы дзякуем Польшчы, Малдове і Румыніі за неацэнную падтрымку ў гэтых намаганнях, а таксама прэзідэнту Лукашэнку за гатоўнасць да канструктыўнага ўзаемадзеяння са Злучанымі Штатамі», — напісаў Коўл у X.

Пачобут (справа) з журналістам польскай «Газеты Выборчай»

Пачобута затрымалі 25 сакавіка 2021 года ў Гродне. Сілавікі зладзілі ў яго дома доўгі вобшук, а потым павезлі мужчыну ў мінскі Следчы камітэт на допыт і ў выніку пакінулі на Валадарцы.

На яго завялі крыміналку па ч. 3 арт. 130 КК (распальванне варажнечы). У абвінавачванні згадалі, што журналіст у адным са сваіх тэкстаў называў агрэсіяй напад СССР на Польшчу ў 1939 годзе, таксама дадалі да абвінавачвання яго тэксты пра беларускія пратэсты, выказванні ў абарону польскай меншасці ў Беларусі і яго артыкул ажно 2006 года пра аднаго з кіраўнікоў польскага антыкамуністычнага падполля ў Гродзенскай вобласці. Пазней дадалі абвінавачванне па ч.3 арт. 361 КК (заклікі да санкцый).

У 2023‑м Пачобуту прысудзілі 8 гадоў зняволення, якія ён адбываў у наваполацкай калоніі №1.

Пачобут падчас суда. Фота: sb.by

Падчас тэрміну палітвязень правёў як мінімум год у ПКТ, перажыў аперацыю на скуры, пакутаваў на арытмію і гіпертанію. 

Польскія палітыкі і дыпламаты шмат змагаліся за тое, каб Пачобут выйшаў на волю, у тым ліку нават закрывалі памежны пераход «Баброўнікі». Падчас зняволення Андрэя ўзнагародзілі найвышэйшай дзяржаўнай узнагародай Польшчы — ордэнам Белага арла. Таксама яму прысудзілі прэмію Сахарава — Еўрапарламент дае яе тым асобам, якія зрабілі выключны ўнёсак у барацьбу за правы чалавека.

«Наша Нiва» — бастыён беларушчыны

ПАДТРЫМАЦЬ

Каментары52

  • Малайцы, хлопцы!
    28.04.2026
    Ціханоўская! Коўл! Сміт!
    Разам да перамогі!
  • а
    28.04.2026
    Стоп, як гэта абмену? Я думаў, яго не выпускалі таму што ён выязджаць не хацеў?
  • Grodnianin
    28.04.2026
    Andrzej jest na wolności! Wspaniała wiadomość!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва78

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць