Спорт1313

Што за хакеіст збіў Лукашэнку проста падчас гульні

Знаёмцеся: Яраслаў Чупрыс.

Яраслаў Чупрыс. Фота: hockey.by

На матчы хакейнай зборнай Лукашэнкі палітыка выпадкова збілі — ён паляцеў на лёд. Вось што за гулец гэта зрабіў. 

@nashaniva Што за хакеіст моцна збіў Лукашэнку? Хто такі Яраслаў Чупрыс? #лукашенко #нашаніва #беларусьновости #белорусы #хкдинамоминск ♬ Spooky, quiet, scary atmosphere piano songs - Skittlegirl Sound

Былы гулец зборнай

Яраславу Чупрысу 44 гады, па гульнявым амплуа ён форвард. Падчас сваёй кар'еры выступаў за мінскія клубы, у тым ліку ў «Кераміне», адыграў тры гады ў «Дынама».

Сканчваў гульнявую кар'еру ў салігорскім «Шахцёры», дзе гуляў з 2011‑га па 2017‑ты гады, у 2018‑м вярнуўся ў «Шахцёр» для трэнерскай працы. У 2023‑м узначаліў каманду як галоўны трэнер, але тытулаў з ёй так і не выйграў.

Чупрыс паспеў пагуляць у беларускай зборнай. Спачатку гэта быў моладзевы чэмпіянат свету 2001‑га года, а пазней ажно пяць чэмпіянатаў свету ў галоўнай зборнай — апошні з іх быў у 2010‑м годзе.

Чупрыса складана было назваць мегазоркай, але якую-ніякую статыстыку ён назбіраў — 98 матчаў у складзе зборнай і 47 (17 закінутых шайб + 30 галявых перадач) бамбардзірскіх балаў.

Летам 2025‑га Чупрыса адправілі кіраваць юнацкай зборнай Беларусі.

Добра знаёмы з Дзмітрыем Баскавым

Чупрыс пачынаў сваю хакейную кар'еру ў школе мінскага клуба «Юнацтва». Разам з ім там займаўся Дзмітрый Баскаў — былы хакеіст і былы кіраўнік хакейнай федэрацыі, які пасля бана ад Міжнароднай федэрацыі хакея за датычнасць да забойства Рамана Бандарэнкі апынуўся на цёплым месцы ў Савеце Рэспублікі.

Яшчэ ў дзяцінстве Чупрыс пасябраваў з Баскавым. Гэтае знаёмства прыносіць яму карысць і дагэтуль: напрыклад, пасля заканчэння гульнявой кар'еры Чупрыс трапіў на першую працу трэнерам менавіта з дапамогай Баскава.

Лічыў рускую мову прыкметай патрыятызму

У 2018‑м канадзец Джэф Плэт, які на той час гуляў за беларускую зборную, даў невялічкі каментар медыя на рускай мове. Адбывалася гэта ў перапынку гульні КХЛ паміж «Дынама» і «Ёкерытам». Яраслаў Чупрыс тады выступаў як эксперт у тэлестудыі і за веданне рускай мовы назваў Плэта патрыётам.

Называе Лукашэнку спартыўным чалавекам

У нядаўнім інтэрв'ю Чупрыс выказваўся пра палітыка наступным чынам:

«Спартыўны чалавек, які любіць фізічныя нагрузкі — гэта я ведаю дакладна. Паглядзіце, як дровы коле. Моцны мужчына, які дасць фору любому маладому».

Падтрымліваў Лукашэнку яшчэ да выбараў 2020-га

Летам 2020‑га Чупрыс казаў пра ўдзячнасць дзяржаве за «спакой і ўпэўненасць у заўтрашнім дні». У паслявыбарчы час ён удзельнічаў у інаўгурацыі Лукашэнкі і працягваў гуляць у хакейнай камандзе палітыка.

На сёння ён лічыць сваю гульню за гэтую каманду вялікім гонарам — і ўпэўнівае, што ахвотных згуляць за яе вельмі шмат.

«Наша Нiва» — бастыён беларушчыны

ПАДТРЫМАЦЬ

Каментары13

  • Чупрыс
    28.12.2025
    Адпомсціў за сваючку Чупрыс з Адміністрацыі, якая жадала быць суддзёй , я прызначылі Сіўца! Ахахахаха!
  • Лася звальняюць
    28.12.2025
    Больш вiдэа нажаль не далi, але выдатна бачна што Чупрыс сканцэнтраваўся рыхтаваўся да ўдара, i дадаў яшчэ больш сiлай задам па ласю
  • Паказальна
    28.12.2025
    Рускамiрэц збiў задам старога лася, той паляцеў i сам ужо не падняўся

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць