Грамадства

Мігранты прыдумалі ноу-хау для пераходу мяжы з Літвой. Праўда, яно ім не дапамагло ВІДЭА

25 сакавіка памежнікі не пусцілі ў Літву рэкордную сёлета колькасць мігрантаў — 29 чалавек, якія спрабавалі нелегальна трапіць у краіну з боку Беларусі. Раней максімум у гэтым годзе складаў 18 чалавек. Пры гэтым для таго, каб падмануць памежнікаў, мігранты распрацоўваюць новыя спосабы, паведамляе літоўская Служба аховы дзяржаўнай мяжы.

Фота: vsat.lrv.lt

На тэрыторыі Чапкельскага запаведніка ў Варэнскім раёне група з 10 чалавек зрабіла своеасаблівыя «шчыты» са спальных мяшкоў і арэхавых жэрдак і рухалася, хаваючыся пад імі. Праўда, гэтыя хітрыкі плёну не далі: мігрантаў усё адно зафіксавалі камеры назірання, пасля чаго памежнікі разам з кінолагамі хутка іх затрымалі.

Адзначаецца, што гэта тэрыторыя складаная для перасячэння — на ёй балоты і нестабільны грунт, таму там не рабілі фізічнай агароджы, але наладзілі сістэму відэаназірання. Мігранты, відаць, спрабавалі гэта ўлічыць і схавацца ад камер, але беспаспяхова.

Затрыманыя назваліся грамадзянамі Пакістана, Ірана і Афганістана, пры гэтым толькі чацвёра з іх мелі пашпарты. Пасля праверкі было вырашана не ўпускаць іх у Літву і вярнуць назад у Беларусь, папярэдне выдаўшы гуманітарную дапамогу.

У апошні час, як адзначаюць памежнікі, большасць мігрантаў — гэта маладыя і фізічна моцныя мужчыны, якія імкнуцца пазбягаць кантактаў з праваахоўнікамі. Іх галоўная мэта — не Літва, а далейшы шлях у Заходнюю Еўропу, найчасцей у Германію. Часам яны паводзяць сябе агрэсіўна і кідаюць у памежнікаў камяні або іншыя прадметы.

Беларусь выкарыстоўвае міграцыю як сродак ціску на суседнія краіны з 2021 года. У адказ Літва, Польшча і Латвія ўвялі палітыку «развароту» мігрантаў і ўзмацнілі ахову межаў. За гэты час ім удалося не дапусціць уезду амаль 202 тысяч чалавек, з іх каля 24,7 тысячы — у Літву.

Сёлета, аднак, паток мігрантаў пакуль не вельмі вялікі: у Літву з пачатку года спрабавалі трапіць 111 чалавек, у Латвію — 141, у Польшчу — 128. У параўнанні з ранейшымі гадамі гэта мізэр.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць