Грамадства2727

Палявод калгаса «Чырвоны баец» з магілёўскага Кіраўска перасеў з сеялкі на танк, а потым — на баявы мапед. І паехаў штурмаваць Запарожжа

Стала вядома пра яшчэ аднаго беларуса, які загінуў у расійскім мясным штурме. Гэта 51‑гадовы Мікалай Габрусь са Старцаў (Кіраўска). Спачатку ён быў танкавым механікам у батальёне, але калі праз месяц батальён стаў ротай, прыйшлося і Габрусю ісці ў штурм. Вынік без нечаканасцяў.

На запарожскім кірунку ўкраінскія ўзброеныя сілы знішчылі яшчэ аднаго беларускага джэнтльмена ўдачы, які замест размеранага жыцця на радзіме зрабіў стаўку на хуткія грошы ад Пуціна. 

Гаворка пра ўраджэнца Старцаў (Кіраўска) Магілёўскай вобласці Мікалая Габруся.

Мікалай нарадзіўся ў 1974 годзе. Па інфармацыі з баз Belpol — не судзімы. З запісаных месцаў працы — пасада палявода ў гаспадарцы «Чырвоны баец» Кіраўскага раёна.

Яшчэ жывы Мікалай Габрусь выглядвае з расійскага танка. Фота: «Аднакласнікі»

Але нават без крымінальнага мінулага маральны компас Габруся аказаўся збіты, і ў 2025‑м годзе ён наняўся ваяваць на баку Расіі ў яе злачыннай вайне супраць Украіны. 

Як чалавек з экспертным веданнем тэхнікі Габрусь трапіў у танкавы батальён 136 брыгады в/ч 64454 (з 2024 — «Апшэронская», стацыянарная дыслакацыя — Апшэронск, Дагестан). 

Да свайго ад'езду на вайну ў сакавіку 2025‑га Габрусь застрахаваў у Расіі сваё жыццё, пазначыўшы адрасам пражывання Рыжскую шашу ў горадзе Валакаламску Маскоўскай вобласці. 

Але доўга абслугоўваць танкі Габрусю не прыйшлося. З інфармацыі ад ягоных саслужыўцаў вядома, што цягам веснавой кампаніі танкавы батальён Габруся ўціснуўся да роты. Адпаведна, і яго — у маі 2025‑га — з механікаў перавялі ў штурмавікі. Выдалі матацыкл, аўтамат з аптычным прыцэлам і адправілі штурмаваць украінскія пазіцыі на Запарожжы. 

Мікалай Габрусь за стырном сваёй апошняй тэхнікі. Фота: «Аднакласнікі»

Імаверна, «Наша Ніва» знайшла нават момант расстрэлу Габруся ўкраінскімі абаронцамі падчас яго першага і апошняга штурму, але мы не будзем далучаць відэа з этычных меркаванняў. 

Габрусь стаў чарговым загінулым беларусам з пазыўным «Беларус».

Апошні апублікаваны ім кантэнт — відэа з абсталяванага акопа, у якім некалькі чалавек немаладога ўзросту ў добрым гуморы сядзяць за сталом і падбадзёрваюць адзін аднаго, выпіваючы мінералку.

Каментары27

  • Оказывается, что белорусов гораздо больше воюющих за РФ чем в полку Калиновского
    18.04.2026
    Поэтому, хватит уже смотреть в реальность через родовые очки.Абсолютно убеждена,что если будет приказ идти на Литву и Польшу, белорусы пойдут воевать. Весь Гродно почти сейчас стал очень агрессивным по отношению к полякам и ужи потирают руки, чтобы пойти забрать Белосток и отнимать у поляков их имущество
  • Сымон
    18.04.2026
    Оказывается, что белорусов гораздо больше воюющих за РФ чем в полку Калиновского , шызанутыя Бондарава, ігумення Гаўрыіла і мяснік беларускага народа Караеў - гэта далёка не ўся Горадня
  • Не ўсіх дурняў вайна пабіла!
    18.04.2026
    Ну і баран!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва74

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць