Грамадства66

Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію

62‑гадовага берасцейца Аляксандра Рудчыка арыштавалі за «тэрарызм» і ўдзел ва ўзброеным канфлікце. У апошнія гады мужчына жыў у Польшчы, але чамусьці вярнуўся на радзіму, дзе і трапіў за краты. Па такіх жа артыкулах судзілі толькі былых ветэранаў Палка Каліноўскага — Васіля Верамейчыка, Васіля Грачыху і Максіма Ралько.

Аляксандр Рудчык. Фота з ягонай старонцы Укантакце

Аляксандр Рудчык нарадзіўся 3 красавіка 1964 года ў расійскім Скаварадзіне ў Амурскай вобласці, недалёка ад мяжы з Кітаем. У 1985 годзе скончыў Вайсковы фінансава-эканамічны інстытут Мінабароны Расіі і пасля служыў лейтэнантам у Тындзе (Амурская вобласць).

Паводле даных BelPol, у Беларусі мужчына пражыў шмат гадоў і з 2003 года працаваў аўдытарам як індывідуальны прадпрымальнік. ІП ён закрыў напрыканцы 2019 года. Вядома, што з пачатку 2021 года мужчына — удавец.

У сацсетках Аляксандр не хаваў сваіх антыпуцінскіх і антылукашэнкаўскіх поглядаў.

З 2022 года мужчына жыў за межамі Беларусі. Яшчэ вясной 2025 года ён публікаваў фотаздымкі з Польшчы. Але пазней Рудчык з невядомых прычын апынуўся ў Беларусі.

Аляксандр Рудчык у Польшчы ў сакавіку 2025 года. Фота з ягонага фэйсбука

Нядаўна Брэсцкі абласны суд вынес Аляксандру прысуд. Яго прызналі вінаватым па шэрагу артыкулаў Крымінальнага кодэкса, сярод якіх стварэнне злачыннай арганізацыі (ч. 2 арт. 285), удзел у тэрарыстычнай дзейнасці (арт. 290-3, ч. 2 арт. 290-4) і ўдзел ва ўзброеным канфлікце на тэрыторыі замежнай дзяржавы (ч. 1 арт. 361-3).

Адметна, што па гэтых артыкулах судзілі толькі ветэранаў Палка Каліноўскага — Васіля Верамейчыка, Васіля Грачыху і Максіма Ралько. Ці ваяваў Аляксандр Рудчык, невядома.

Яму пагражала да дваццаці гадоў калоніі.

Дакладна прысуд невядомы, але цяпер мужчына ў калоніі.

«Наша Нiва» — бастыён беларушчыны

ПАДТРЫМАЦЬ

Каментары6

  • Хто ета ?
    12.05.2026
    Мда, а кто эта такая Марка Фейгана ?
  • Ну
    12.05.2026
    Эх, што ж вы, дзядзьку...
  • Беларус
    12.05.2026
    "З невядомых прычын апынуўся ў Беларусі"

    І сапраўды, а што здарылася? Што ж за тыя прычыны, каб пайсьці на велізарную, амаль 100% рызыку ды паехаць у канцлагер? А вось што. Усім вядомыя гэтыя прычыны: з такімі сябрамі ды "дапамогай", з адкрытым прыніжэньнем, з бюракратычным здзекам ды адмвсловастворанай нявызначанасьцю, недасяжнасьцю працы і простай магчымасьці годна жыць пасля пераследу - і ворагі асабліва не патрэбныя.

    Таму шчыры дзякуй за разуменьне і спагаду ў складаны час, шаноўныя суседзі. Беларусы тое надоўга запомняць. Але калісьці да вас у бядзе абавязкова паставяцца гэтакжа. Інакш не бывае.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва74

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць