Грамадства2424

Круты: Вайсковыя зборы для нядбайных аграрыяў будуць доўжыцца 2‑3 месяцы

На праведзенай у Асіповічах нарадзе з удзелам прадстаўнікоў Асіповіцкага, Глускага і Бабруйскага раёнаў кіраўнік адміністрацыі Лукашэнкі Дзмітрый Круты абмеркаваў пытанні, узнятыя падчас учарашняй селектарнай нарады па ўборачнай кампаніі з удзелам самога Лукашэнкі.

Дзмітрый Круты. Фота: Wikimedia Commons

Дзмітрый Круты адзначыў, што Лукашэнка ўвёў найбольш жорсткі, мабілізацыйны рэжым правядзення ўборкі. Галоўная задача цяпер — без страт сабраць ураджай, які вырасцілі беларускія аграрыі.

У сувязі з гэтым будзе ўзмоцнены кантроль за дысцыплінай. Па словах Крутога, па даручэнні Лукашэнкі Міністэрства абароны павінна падрыхтаваць месцы і віды работ для тых работнікаў, якія парушаюць дысцыпліну.

У кожным раёне старшыня райвыканкама разам з вайсковым камісарам і кіраўнікамі сельгаспрадпрыемстваў павінны вызначыць спісы такіх людзей. У іх ліку, як заявіў Круты, будуць «нядбайныя работнікі, парушальнікі, тыя, хто крадзе, злоўжывае алкаголем, лянуецца».

Гэтых людзей плануюць накіроўваць у распараджэнне Міністэрства абароны ў межах вайскова-выхаваўчых збораў працягласцю да двух-трох месяцаў. Па словах Крутога, гэта будзе тычыцца ўсіх незалежна ад пасады: калі чалавек сарваў працу — ён будзе накіраваны на зборы.

«Дзякуючы прэсе краіна павінна ведаць не толькі герояў жніва, што абсалютна справядліва, але і такіх «герояў», якія сваім разгільдзяйствам зрываюць працэс. Калі яны праваліліся ў межах уборачнай кампаніі, то, напэўна, у арміі змогуць прынесці карысць краіне — працы там дастаткова, у тым ліку гаспадарчай і бытавой», — заявіў чыноўнік.

Ён падкрэсліў, што такія меры патрэбныя не толькі для пакарання, але і для выхавання. Умовы, паводле яго слоў, будуць «спартанскія», аднак людзі атрымаюць магчымасць умацаваць фізічную форму і прынесці карысць праз працу.

Адказнымі за арганізацыю гэтай працы будуць старшыні райвыканкамаў, ваенкаматы і кіраўнікі сельгаспрадпрыемстваў. Крутой заявіў, што нельга будзе нікога прыкрываць.

«За арганізацыю жніва ў вобласці адказвае старшыня аблвыканкама, а старшыня райвыканкама — цэнтральнае звяно на месцы. Калі не спрацуе раён — адказваць давядзецца яму», — сказаў кіраўнік адміністрацыі Лукашэнкі.

Каментары24

  • Чатыры пазіцыі
    22.07.2026
    А для для нядбайнага аграрыя з саўгаса Гарадзец што ўсю краіну давёў да ручкі, на якія вайсковыя зборы накіруюць?
  • Гражданин РБ
    22.07.2026
    Хорошая реклама службы в армии - отправлять в нее как наказание :)
  • ..,
    22.07.2026
    А што, патронау няма? Расстрел на месте и точка.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць