Свет1515

Зяленскі: Ракеты для Patriot могуць не даваць, каб Украіна была больш саступлівая

Прэзідэнт Украіны Уладзімір Зяленскі заявіў, што не выключае наяўнасці палітычных матываў у рашэнні заходніх партнёраў скараціць пастаўкі супрацьракетных сродкаў для Украіны. Пра гэта ён паведаміў падчас пасяджэння Рады нацыянальнай бяспекі і абароны.

Уладзімір Зяленскі. Фота: Офіс прэзідэнта Украіны

Паводле слоў кіраўніка ўкраінскай дзяржавы, афіцыйна саюзнікі, перадусім ЗША, а таксама еўрапейскія краіны, патлумачылі змяншэнне паставак баявымі дзеяннямі на Блізкім Усходзе і неабходнасцю накіраваць рэсурсы на абарону ўласных інтарэсаў у гэтым рэгіёне. Аднак Зяленскі адзначыў, што не ўпэўнены, што гэта адзіная прычына.

«Прынамсі, мы такую афіцыйную прычыну атрымалі ад нашых партнёраў, найперш ЗША, але і еўрапейскіх… Я не ведаю, ці ёсць іншыя прычыны, акрамя Блізкага Усходу.

Можа, гэта і палітычныя крокі для таго, каб Украіна была, скажам так, больш саступлівая. На мой погляд, і не без гэтага. Мы разумеем, што гэта сур'ёзны выклік», — сказаў Зяленскі.

Ён падкрэсліў, што недахоп супрацьракетных сродкаў з'яўляецца сур'ёзным выклікам для краіны. Ён даручыў Міністэрству замежных спраў і Міністэрству абароны прыкласці максімум намаганняў, каб дамагчыся павелічэння паставак сродкаў супрацьпаветранай і супрацьракетнай абароны. Адначасова, паводле яго, украінскія вайскоўцы павінны і далей знішчаць варожыя пускавыя ўстаноўкі, каб паменшыць пагрозу ракетных удараў.

Раней паведамлялася, што падчас сустрэчы ў Авальнай зале Белага дома прэзідэнт ЗША Дональд Трамп адмовіў Уладзіміру Зяленскаму ў просьбе перадаць дадаткова 300 ракет для комплексаў Patriot. Амерыканскі лідар патлумачыў гэта недахопам такіх ракет на складах ЗША і неабходнасцю забяспечыць абарону амерыканскіх вайсковых аб'ектаў ва ўмовах канфлікту на Блізкім Усходзе. Акрамя таго, пытанне перадачы Украіне тэхналогій для вытворчасці гэтых боепрыпасаў таксама пакуль застаецца нявырашаным.

Раней Зяленскі ўжо заяўляў, што ў 2026 годзе аб'ёмы паставак супрацьракетных сродкаў для сістэм супрацьпаветранай абароны скараціліся прыкладна ўтрая ў параўнанні з 2025 годам.

Каментары15

  • Slava Ukraine
    05.08.2026
    Трэба Україні зрабіць свае Раtriot
  • Так
    05.08.2026
    "Каб Украіна была, скажам так, больш саступлівая". Так і ёсць, менавіта так яны і думаюць. Яны чакаюць, калі гэта зкончыцца, ім амаль бяз розніцы на якіх умовах. У Крамлі гэта добра разумеюць. Тэрытарыяльныя саступкі з боку Украіны будуць, у нейкай форме. Гэта пытанне часу.
  • Кнур
    05.08.2026
    [Рэд. выдалена]

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць