Грамадства33

Пракуратура Варшавы не будзе расследаваць знікненне Анатоля Котава

Польская пракуратура адмовілася расследаваць крымінальную справу аб знікненні беларускага палітычнага актывіста Анатоля Котава. Пра адмову на запыт выдання расказаў прэс-сакратар Варшаўскай акруговай пракуратуры Пётр Скіба, піша «Белсат».

Фота: Белсат

«Асоба, якой датычыць паведамленне, не з’яўляецца грамадзянінам Польшчы, дзеянні супраць яе не адбываліся на тэрыторыі Рэспублікі Польшча, і няма падстаў сцвярджаць, што грамадзяне Польшчы маглі б быць датычныя да магчымага здзяйснення злачынства», — гаворыцца ў адказе журналістам.

Турцыя перадала ў Польшчу матэрыялы пра перамяшчэнне Котава. Згодна з імі, актывіст пры праходжанні памежнага кантролю ў Стамбуле выкарыстоўваў беларускі пашпарт, а не «жэнеўскі», які яму выдала Польшча пры наданні статусу міжнароднай абароны.

Крыніца выдання, блізкая да следства, сцвярджае, што ключавой версіяй знікнення Котава, якую разглядалі польскія следчыя, была ягоная магчымая агентурная дзейнасць, супраца з выведкай і спроба атрымаць доступ да намесніка кіраўніцы Аб'яднанага пераходнага кабінету і старшыні Народнага антыкрызіснага ўпраўлення Паўла Латушкі. Пазней Котава нібыта адхілілі ад аперацыі, каб прадухіліць разгалошванне.

Паводле БРЦ, да гэтай версіі трэба ставіцца крытычна, бо паўнавартаснага расследавання польская пракуратура не праводзіла, а расследавальнікі маюць дадзеныя, якія сведчаць, што знікненне не было добраахвотным рашэннем актывіста.

Сітуацыю з Котавым пракаментаваў Павел Латушка: «Усе гэтыя гады ён спрабаваў наладзіць сувязь з прадстаўнікамі эліты ў Менску і вырашыць беларускую праблему праз іх. <…>. Некалькі разоў дзякуючы яму я камунікаваў з былымі прэм’ер-міністрамі Беларусі. Думаю, у яго атрымалася заглыбіцца ў справу, і ён трапіў у пастку спецслужбаў».

Анатоль Котаў 21 жніўня 2025 года прыляцеў з Варшавы ў Стамбул. Адтуль дабраўся да партовага гораду Трабзон, падняўся на борт яхты і знік.

Беларускі расследавальніцкі цэнтр разам з Deutsche Welle і OCCRP пры дапамозе ініцыятывы «Рабочы рух» і падтрыманні «Кіберпартызанаў» правялі расследаванне знікнення Анатоля Котава. Вынікі апублікавалі 18 чэрвеня.

Анатоль Котаў, паводле расследавальнікаў, знік у выніку спланаванай аперацыі і трапіў у рукі Федэральнай службы бяспекі Расіі.

Ранкам 22 жніўня, паводле крыніцы БРЦ, яхта спачатку падышла да берагу ў ваколіцы Сухумі, а затым расіяне загадалі вярнуцца — у порт Ачамчыра, што таксама ў Абхазіі, але паблізу пункту памежнай службы ФСБ Расіі. Пакуль Котаў спаў у каюце, капітан патэлефанаваў у порт, каб атрымаць дазвол на швартаванне, яму адказалі чакаць у моры трансфернага карабля. Замест таго да яхты падышоў расійскі вайсковы карабель берагавой аховы. Берагавую ахову выклікалі расійскія пасажыры яхты — яны сцвярджалі, што ўначы Анатоль Котаў нібыта напіўся, напаў на іх і збіў (знаёмыя Котава апісваюць яго як нясхільнага да гвалту).

Каментары3

  • Слоўпокі
    26.08.2026
    Польская пракуратура нават знікненне сваёй грамадзянкі Мельнікавай не можа раследваць за паўтары гады.
  • Izia
    26.08.2026
    Слоўпокі, все уже асследовано, ясно что гражданство ей было выдано ошибочно без надлежащей проверки, потому и тишина
  • шизя
    26.08.2026
    Izia, не ошибочно, а авансом. Ну это и к лучшему, сейчас возмуться за проверку метрик и карт поляка, и бизнес белчекистов накроется медным тазом.

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць