Свет11

Найбуйнейшыя НПЗ Казахстана адмовіліся пастаўляць бензін у Расію праз санкцыйныя рызыкі

Найбуйнейшыя нафтаперапрацоўчыя заводы Казахстана не скарысталіся квотамі на экспарт бензіну ў Расію. Пра гэта паведамілі агенцтву Reuters чатыры крыніцы ў галіне, піша The Moscow Times.

Паўладарскі НПЗ. Фота ілюстрацыйнае

У ліпені казахстанскае Міністэрства энергетыкі дазволіла Паўладарскаму НПЗ, другому па магутнасці ў краіне, паставіць у Расію 17,5 тысячы тон бензіну АІ-92. У жніўні аналагічную квоту атрымаў Атыраускі НПЗ. Магутнасць абодвух прадпрыемстваў складае каля 5,5 мільёнаў тон нафтаперапрацоўкі на год.

Аднак уладальнікі паліва вырашылі не адпраўляць бензін на расійскі рынак. Сярод асноўных прычын яны называюць праблемы з разлікамі праз расійскія банкі і небяспеку трапіць пад заходнія санкцыі. Паводле адной з крыніц, ніхто не хоча рызыкаваць санкцыямі.

Акрамя таго, у самім Казахстане цяпер не стае аўтамабільнага паліва. Попыт сезонна высокі, а ў суседніх краінах таксама назіраецца дэфіцыт бензіну.

Пастаўляць паліва ў Расію пагадзіўся толькі невялікі НПЗ «Кандэнсат» магутнасцю каля 850 тысяч тон на год. У ліпені ён экспартаваў у Расію 9 тысяч тон бензіну. У жніўні завод атрымаў першую партыю расійскай нафты па чыгунцы — 4,1 тысячы тон. Раней прадпрыемства закупляла нафту ў «Татнафты».

Пры гэтым казахстанскі бензін для расійскіх пакупнікоў занадта дарагі. Кошт бензіну АІ-92 з Атыраускага НПЗ складае каля 1100—1200 даляраў за тону, што прыкладна на 43% вышэй за цяперашнюю біржавую цану ў Расіі.

Сітуацыя з палівам у Расіі застаецца напружанай. Паводле ацэнак, уласная вытворчасць бензіну кампенсуе толькі каля дзвюх трацін унутранага попыту. З пачатку года ўкраінскія беспілотнікі больш за 70 разоў атакавалі расійскія НПЗ. На пачатак жніўня не менш за 18 заводаў поўнасцю не працавалі альбо былі загружаныя толькі часткова, а за апошнія чатыры тыдні яшчэ пяць НПЗ цалкам спынілі вытворчасць паліва.

Паводле Rystad Energy, аб'ёмы нафтаперапрацоўкі ў Расіі цяпер прыкладна на 30% ніжэйшыя за сезонную норму і складаюць каля 4 мільёнаў бараляў за суткі. У верасні істотна павялічыць уласную вытворчасць і такім чынам ліквідаваць дэфіцыт, паводле галіновых ацэнак, не атрымаецца.

Каментары1

  • .
    26.08.2026
    - Алло, Астана? Ну чё, узкогл... ой, хотел сказать уважаемый казахский партнер, на те квоту на поставки нам бензака, вот те шанс заработать с барского плеча!
    - ...
    - Алло, тебя не слышно, кто куда пошел?
    - ...
    - В смысла "пошел на..."?!

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля19

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

У Беларусі паскорыўся рост ВУП5

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля19

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць