Грамадства11

Сядзібу Грабніцкіх пад Ушачамі прадалі за адну базавую. Пакупніком аказаўся грамадзянін ЗША

Закінутую сядзібу Грабніцкіх у аграгарадку Арэхаўна недалёка ад Полацка зноў прадалі на аўкцыёне, піша Onliner. Гэтым разам уладальнікам гістарычнага аб'екта стаў грамадзянін ЗША, які даўно жыве ў Беларусі.

Сядзіба Грабніцкіх у Арэхаўне. Фота: Onliner

Паколькі пакупнік быў адзіным удзельнікам таргоў, купля каштавала ўсяго адну базавую адзінку, да якой дадалі 5%. Выніковая сума склала 47,25 рубля. Разам з домам новы гаспадар атрымаў права арэнды прылеглага ўчастка да 2070 года і абавязак правесці рэканструкцыю за пяць гадоў.

Паводле слоў новага ўладальніка, у найбліжэйшы год ён плануе проста ўратаваць аварыйны будынак ад канчатковага разбурэння і закансерваваць яго. І толькі пасля гэтага будзе вырашацца далейшы лёс сядзібы — ці стане яна музеем, галерэяй або гатэлем.

Сам аб'ект — цагляны дом 1840 года пабудовы ў стылі позняга класіцызму. Сядзіба плошчай 510 квадратных метраў размяшчаецца на беразе возера і акружаная зарослым паркам. Нягледзячы на аварыйны стан, у будынку дагэтуль захаваліся калоны, арачныя вокны і прыгожы балкон. Да рэвалюцыі 1917 года сядзібай валодаў шляхецкі род Грабніцкіх, у ваенныя гады тут размяшчаўся шпіталь, а пазней — мясцовая школа. З 1990‑х гадоў будынак пустуе.

Гэта ўжо не першая спроба ўратаваць гістарычную спадчыну.

Яе ўжо двойчы спрабавалі перадаць прыватным уласнікам. У ліпені 2020 года яе за 28 рублёў набыло мінскае сельгаспрадпрыемства «Азёры-Агра», якое планавала адкрыць там музей і кавярню. Аднак у 2021 годзе Таварыства аховы помнікаў гісторыі і культуры звярнулася ў Генпракуратуру: зямельныя і будаўнічыя работы вяліся без зацверджанага праекта зон аховы і навуковай дакументацыі. Улетку 2024 года тэрмін, адведзены на аднаўленне, скончыўся, і аб’ект вярнулі дзяржаве.

У лютым 2025 года маёнтак зноў прадалі — гэтым разам за адну базавую адзінку, або 40 рублёў. Уласніцай стала жыхарка Мінска, якая павінна была аднавіць сядзібу за тры гады. Аднак у верасні 2026 года аб’ект зноў унеслі ў спіс невыкарыстоўванай маёмасці.

Каментары1

  • Думать надо, а потом делать
    30.09.2026
    Ну и дурень этот гражданин США. Как только ввалит кучу денег и приведет хатку в порядок, выяснится, что документы на покупку были оформлены неправильно, и власти дом отожмут

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць