Вайна1818

Якую зброю і разведвальныя даныя Украіне могуць даць толькі ЗША?

За чатыры гады поўнамаштабнай вайны Украіна значна скараціла залежнасць ад амерыканскай ваеннай дапамогі. Краіна наладзіла ўласную вытворчасць зброі, а еўрапейскія саюзнікі павялічылі падтрымку Кіева. Аднак ёсць тэхналогіі і ўзбраенне, якім Украіна пакуль не мае паўнавартаснай замены.

Фота: Andrew Harnik / Getty Images

Напружанасць паміж Вашынгтонам і Кіевам зноў паставіла пытанне пра залежнасць Украіны ад ЗША. Дональд Трамп запатрабаваў спыніць удары па расійскіх нафтаперапрацоўчых заводах і заклікаў Уладзіміра Зяленскага пакінуць пасаду.

Адначасова ўкраінскія вайскоўцы паведамілі пра абмежаванні хуткасці Starlink, якія ўскладнілі выкарыстанне беспілотнікаў. Зяленскі таксама заявіў, што Украіна не атрымала ад партнёраў звыклых папярэджанняў пра запуск расійскіх балістычных ракет.

Як адзначае ў размове з The Wall Street Journal ваенны аналітык Франц-Штэфан Гадзі, нягледзячы на развіццё ўласнай вытворчасці зброі і рост еўрапейскай дапамогі, Украіна па-ранейшаму залежыць ад ЗША ў некалькіх крытычна важных сферах.

Starlink

Адна з такіх сфер — спадарожнікавая сувязь. Украінскія вайскоўцы выкарыстоўваюць Starlink і яго ваенную версію Starshield, у тым ліку для працы беспілотнікаў. Нядаўняе абмежаванне хуткасці Starlink ужо ўскладніла ўкраінскія аперацыі.

Фота: SpaceNews

Гэтыя сістэмы пакуль не маюць паўнавартасных аналагаў паводле пакрыцця, якасці сігналу і магчымасцяў перадачы даных. Еўрапейскія краіны і Канада распрацоўваюць альтэрнатывы, але супастаўныя сістэмы могуць з'явіцца не раней за 2028 год.

Папярэджанні пра ракетныя атакі

Яшчэ адна крытычная залежнасць — амерыканская сістэма ранняга папярэджання пра запуск балістычных ракет.

ЗША маюць глабальную сетку спадарожнікаў і радыёлакацыйных станцый, якая дазваляе выяўляць запускі ракет і адсочваць іх траекторыі. Спадарожнікі фіксуюць цеплавое выпраменьванне падчас запуску, пасля чаго інфармацыя ўдакладняецца радарамі. Гэтыя звесткі дапамагаюць украінскай супрацьпаветранай абароне падрыхтавацца да перахопу ракет, а ўладам — своечасова папярэдзіць насельніцтва.

Еўрапейскія краіны таксама перадаюць Украіне разведвальную інфармацыю са спадарожнікаў і самалётаў, аднак іх магчымасці саступаюць амерыканскім паводле дакладнасці і ахопу. На думку Гадзі, Еўропа не зможа стварыць супастаўную сістэму папярэджання яшчэ некалькі гадоў.

Ракеты для Patriot

Для перахопу расійскіх балістычных ракет Украіна ў значнай ступені залежыць ад амерыканскіх ракет Patriot PAC-3 MSE. Аднак іх пастаўкі скараціліся, бо частку запасаў ЗША выкарысталі для абароны сваіх войскаў і саюзнікаў ад іранскіх удараў на Блізкім Усходзе.

Альтэрнатывай можа стаць новая версія французска-італьянскай сістэмы SAMP/T, якая, паводле вытворцаў, здольная збіваць балістычныя ракеты. Яе ўжо накіроўваюць ва Украіну.

Сістэма SAMP/T на Міжнародным парыжскім авіясалоне ў Ле Буржэ, 19 чэрвеня 2023 г. Фота: Ludovic Marin / АР

Акрамя таго, дзве ўкраінскія кампаніі разам з еўрапейскімі партнёрамі распрацоўваюць уласныя ракеты-перахопнікі. Чакаецца, што першыя могуць паступіць на ўзбраенне ў сярэдзіне 2027 года.

Аднак пакуль украінскія распрацоўкі не гатовыя, а магчымасці новай версіі SAMP/T яшчэ трэба пацвердзіць на практыцы, амерыканскія ракеты застаюцца ключавым сродкам абароны ад балістычных атак.

Разведданыя для ўдараў па Расіі

Украіна самастойна збірае інфармацыю пра расійскія вайсковыя аб'екты з дапамогай беспілотнікаў, агентуры і іншых крыніц. Аднак амерыканская разведка дапамагае ўдакладняць каардынаты і характарыстыкі цэляў.

Асабліва важныя амерыканскія магчымасці па выяўленні расійскіх сістэм СПА праз іх электрамагнітныя сігналы. Гэта дазваляе знаходзіць слабыя месцы ў супрацьпаветранай абароне і выбіраць маршруты для ўкраінскіх ракет і беспілотнікаў, каб пазбегнуць перахопу.

Без такіх даных наносіць дакладныя ўдары па аб'ектах на тэрыторыі Расіі будзе складаней.

Знішчальнікі F-16 і амерыканскія пастаўкі

Украіна атрымала знішчальнікі F-16 ад еўрапейскіх саюзнікаў, але для іх эксплуатацыі па-ранейшаму патрэбныя амерыканскія запчасткі, узбраенне, абслугоўванне і абнаўленні праграмнага забеспячэння.

Знішчальнік F-16. Фота: Artur Widak / NurPhoto via Getty Images

Значную частку гэтых паставак аплачваюць саюзнікі праз праграму PURL, якая дазваляе закупляць амерыканскую зброю для Украіны. З моманту яе запуску краіны-партнёры паабяцалі больш за чатыры мільярды долараў.

Спыненне праграмы пазбавіла б Кіеў важнага канала забеспячэння. Пры гэтым, паводле ўкраінскіх афіцэраў СПА, запасы некаторых боепрыпасаў для F-16 ужо вычарпаліся, хаця самалёты неабходныя для перахопу расійскіх рэактыўных беспілотнікаў.

Залежнасць ад амерыканскіх дазволаў датычыцца і іншай тэхнікі. Напрыклад, пастаўкі запчастак для гаўбіц M777 патрабуюць згоды Вашынгтона, нават калі дэталі вырабленыя ў Вялікабрытаніі.

Каментары18

  • Капец
    16.10.2026
    Відавочна, што без вышэй пералічанай дапамогі ЗША Украіна апынецца ў больш цяжкім становішчы.
    Узнікае пытанне: навошта прэзідэнт Украіны сварыцца з ЗША, Трампам і Іланам Маскам? Гэта неяк неразумна падчас вайны.
  • Оптимисты
    16.10.2026
    Американская поддержка формирует скрытый фундамент всей украинской обороны, который Европа физически не способна оперативно заменить. Вся цифровая координация войск и системы управления боем работают на защищенных облачных сервисах под "зонтиком" США. Пентагон обеспечивает непрерывную тактическую разведку сверхвысокого разрешения и через центр в Штутгарте полностью управляет глобальной логистикой поставок оружия от всех западных доноров. Более того, именно США поставляют ключевые для сдерживания штурмов кассентные боеприпасы, которые запрещены в большинстве стран Европы, а также незаменимую тяжелую бронетехнику вроде БМП Bradley. Наконец, прямые американские гранты на невоенные расходы удерживают от коллапса саму украинскую экономику. Без этой масштабной инфраструктуры ведение технологичной войны окажется под угрозой паралича.
  • Даже хуже - пипец
    16.10.2026
    [Рэд. выдалена]

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка9

Мінскія ўлады ўжо абмяркоўваюць ідэю Лукашэнкі запусціць трамваі ў метро13

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць