Грамадства11

Частку Лоеўскага раёна перададуць у склад Гомельскага

Улады рыхтуюць змену межаў Гомельскага і Лоеўскага раёнаў: тэрыторыі Карпаўскага, Страдубскага і Каўпенскага сельсаветаў, размешчаныя за Дняпром, плануюць перадаць у склад Гомельскага раёна. Пра гэта стала вядома з абвешчанага грамадскага абмеркавання, якое будзе праходзіць з 6 лістапада да 6 снежня 2026 года, піша «Флагшток».

Пытанне перадачы так званай зарэчнай зоны Лоеўшчыны Гомельскаму раёну мясцовыя жыхары ўздымаюць ужо шмат гадоў. Рэч у тым, што транспартныя зносіны паміж вёскамі на другім беразе Дняпра і раённым цэнтрам Лоевам вельмі нязручныя.

Дабрацца туды можна альбо непасрэдна паромам, альбо ў аб'езд па аўтамабільных дарогах. У апошнім выпадку маршрут складае амаль 130 кіламетраў і займае каля дзвюх гадзін.

Праца паромнай пераправы «Лоеў — Абакумы» залежыць ад надвор'я, узроўню вады ў Дняпры і лядовай абстаноўкі. Звычайна навігацыя спыняецца ў канцы лістапада або пачатку снежня, калі рака пачынае замярзаць. Зімовы перапынак працягваецца да вясны — звычайна да канца сакавіка або красавіка.

Акрамя таго, паром часам не працуе праз нізкі ўзровень вады або неабходнасць тэхнічнага абслугоўвання. У такія перыяды жыхарам зарэчнай зоны даводзіцца рабіць вялікі аб'езд, каб трапіць у Лоеў, напрыклад, у бальніцу або дзяржаўныя ўстановы для вырашэння адміністрацыйных пытанняў.

Фота: tourister.ru

На працягу дзесяцігоддзяў абмяркоўваліся два магчымыя варыянты вырашэння праблемы: перадача гэтых тэрыторый Гомельскаму раёну або будаўніцтва моста ў раёне Лоева. Аднак дагэтуль пытанне заставалася нявырашаным.

Цяпер плануецца перадаць Гомельскаму раёну значную частку Лоеўшчыны за Дняпром, фактычна ўсю тэрыторыю заказніка «Дняпроўска-Сожскі». У выніку тэрыторыя Гомельскага раёна амаль наблізіцца да гарадскога пасёлка Лоеў.

Таксама павялічыцца працягласць дзяржаўнай мяжы Гомельскага раёна ўздоўж Сожа. Дарэчы, менавіта ў гэтым раёне рэгулярна фіксуюць пралёты расійскіх беспілотнікаў.

Каментары1

  • Андрусь
    05.11.2026
    А гэта ў НН ці ў Флагштоку мапа, якую заскрынілі, на расійскай мове?

Цяпер чытаюць

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць