Грамадства22

Лукашэнка падтрымаў прапанову аб узбуйненні Дрыбінскага раёна

«У свой час ставілася падобнае пытанне, і я на яго адказаў гадоў 25 таму: Дрыбінскаму раёну быць». Аляксандр Лукашэнка падтрымаў прапанову аб узбуйненні Дрыбінскага раёна. Аб гэтым па выніках нарады ў кіраўніка дзяржавы заявіў журналістам старшыня Магілёўскага аблвыканкама Анатоль Ісачэнка.

Адной з тэм нарады па пытаннях развіцця Магілёўскай вобласці сталі прапановы па ўзбуйненні Дрыбінскага раёна за кошт уключэння ў яго склад земляў сельгасарганізацый Магілёўскага, Горацкага і Чавускага раёнаў.

«У свой час ставілася падобнае пытанне, і я на яго адказаў гадоў 25 таму: Дрыбінскаму раёну быць. Але трэба падумаць, якім ён павінен быць. Ён павінен адпавядаць сярэднім памерам раёнаў нашай краіны — з гэтага зыходзілі, — сказаў Лукашэнка. — Ураду, губернатару, упаўнаважанаму па Магілёўскай вобласці з зацікаўленымі асобамі было даручана сур’ёзна падумаць і ўнесці прапановы на гэты конт. Тое, што гэты раён трэба ўзбуйняць і па-сапраўднаму загружаць старшыню райвыканкама і яго калег, — гэта факт».

Лукашэнка адзначыў, што ўжо ставіў задачу стварыць у Дрыбінскім раёне неабходную інфраструктуру і зрабіць яе не горшай, чым у іншых райцэнтрах.

«Яна створана. Інфраструктура ў раённым цэнтры не горшая, чым у іншых. Канечне, гэта не Горацкі раён, дзе акадэмія (гаворка пра Беларускую дзяржаўную сельскагаспадарчую акадэмію. — НН.) стварае пэўную прыгажосць, але вельмі нармальны і сярэдні раён. А па памерах — ніякі», — дадаў ён.

Лукашэнка сказаў, што яму важнае меркаванне людзей на гэты конт, але не цяпер. 

«Што на гэты конт думаюць ва ўсіх пералічаных раёнах? Меркаванне людзей вельмі важнае, але пасля таго, як мы ім раскажам, чаго мы хочам. Ці прапрацаваныя магчымыя наступствы і далейшыя дзеянні? Колькі гэта будзе каштаваць для бюджэту і грамадзян? Я лічыў, што гэта нічога не будзе каштаваць. Але калі трэба падтрымаць нейкія гаспадаркі — падтрымаем. І самае галоўнае: ці будзе станоўчы сацыяльны і эканамічны эфект?» — пацікавіўся ён.

Сэнс такіх перамен пакуль незразумелы.

Каментары2

  • Андрусь
    07.07.2026
    Яшчэ адна ілюстрацыя таго, як працуе мясцовае самакіраванне ў Беларусі. Меркаванне жыхароў спрабуюць узгадаць у самую апошнюю чаргу. Да якой адміністрацыйнай адзінкі будзе належаць вёска - вырашаюць у Менску, а не ў той вёсцы. І мераюць усё не людзьмі ды іх цікавасцямі, а "тэрыторыямі сельгаспрадпрыемстваў".
  • ?
    07.07.2026
    А колькі луканоміка/лукашызм кляты вынішчыла вёсак побач (за 32 год кіравання самазванца)

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Жанчыны пад Маладзечнам стварылі падпольную каталіцкую грамаду — і перажылі СССР7

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць