Аўто

Пацярпелыя ў ДТЗ з дзікімі жывёламі могуць разлічваць на кампенсацыю. Але за паўтара года па яе звярнуліся толькі 13 чалавек

У Беларусі кіроўцы, якія пацярпелі пры сутыкненні з дзікай жывёлай, маюць права на страхавыя выплаты за шкоду здароўю. Віна кіроўцы ў аварыі значэння не мае. Аднак рамонт машыны «аўтаграмадзянка» ў такім выпадку не пакрые.

Пра механізм выплат расказаў БелТА генеральны дырэктар Беларускага бюро па транспартным страхаванні Ігар Клепча.

Паводле звестак ДАІ на 12 лістапада, з пачатку 2026 года ў аварыях з дзікімі жывёламі пацярпелі 93 чалавекі, шэсць загінулі. Найбольш цяжкія наступствы звычайна маюць сутыкненні з ласямі.

Права на кампенсацыю шкоды жыццю і здароўю кіроўцы, а таксама ўладальніка аўтамабіля, калі ён ехаў пасажырам, прадугледзелі ўказам ад 18 сакавіка 2025 года № 108.

Але за паўтара года па выплаты звярнуліся толькі 13 пацярпелых: чацвёра ў 2025 годзе і дзевяць у 2026-м.

«Далёка не ўсе грамадзяне ведаюць пра сваё права на кампенсацыю шкоды ў такіх сітуацыях», — адзначыў Клепча.

Галоўная ўмова — на аўтамабіль, які трапіў у аварыю, мусіць дзейнічаць дагавор абавязковага страхавання грамадзянскай адказнасці. Пры гэтым шкода здароўю павінна быць прычыненая менавіта сутыкненнем з дзікай жывёлай.

Кіроўцу і ўладальніку машыны, які ехаў пасажырам, кампенсацыю выплачвае Беларускае бюро па транспартным страхаванні са свайго гарантыйнага фонду. Іншым пасажырам — страхавая кампанія, у якой аформленая «аўтаграмадзянка». У выпадку гібелі пацярпелага звярнуцца па выплату могуць спадчыннікі.

Максімальная сума кампенсацыі шкоды жыццю або здароўю — 1150 базавых велічынь (цяпер — 51750 рублёў). У межах гэтага ліміту да 460 базавых (цяпер 20700 рублёў) могуць выплаціць тым, хто аплаціў пахаванне.

Кампенсаваць можна страчаны заробак або іншы даход, выдаткі на абследаванні, лячэнне, рэабілітацыю, пратэзаванне, лекі і перавязачныя матэрыялы. Таксама прадугледжанае пакрыццё выдаткаў на неабходны догляд, дадатковае харчаванне і санаторна-курортнае лячэнне.

Маральную шкоду, пашкоджанні аўтамабіля і іншай маёмасці гэтыя выплаты не пакрываюць.

Каментары

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць