Свет55

Былы дыктатар Зімбабвэ на першых пасля яго сыходу выбарах падтрымаў апазіцыю

У Зімбабвэ пачаліся прэзідэнцкія і парламенцкія выбары. Гэтыя выбары стануць першымі ў гісторыі краіны, у якіх не бярэ ўдзелу былы дыктатар краіны Роберт Мугабэ.

Галасаванне пачалося на 10985 выбарчых участках. У ім змогуць узяць удзел больш за 5,7 млн грамадзян. Вынікі павінны быць аб'яўленыя 4 жніўня, паведамляюць інфармагенцтвы.

На найвышэйшую дзяржаўную пасаду афрыканскай краіны прэтэндуюць 23 кандыдаты, аднак асноўная барацьба разгорнецца паміж 75-гадовым дзеючым прэзідэнтам Эмерсанам Мнангагвай, які ўзначальвае кіруючы «Афрыканскі нацыянальны саюз Зімбабвэ - Патрыятычны фронт» (ЗАНУ-ПФ) і лідэрам альянсу сямі апазіцыйных партый, згуртаваных вакол «Руху за дэмакратычныя перамены» (РДП), 40-гадовым Нэльсанам Чамісам.

Напярэдадні галасавання эксперты адзначалі, што ў супернікаў прыкладна роўны рэйтынг і не выключаны другі тур.
За месцы ў парламенце Зімбабвэ пазмагаюцца прадстаўнікі 55 партый.

У інтэрв'ю напярэдадні выбараў былы дыктатар краіны Робэрт Мугабэ нечакана падтрымаў кандыдата ад былой дэмакратычнай апазіцыі. Па словах Мугабэ, найгоршы варыянт - гэта кантроль над уладай арміі. Таму Мугабэ «зычыць поспеху» кіраўніку Руху за дэмакратычныя перамены.

Зімбабвэ абвясціла незалежнасць у 1980-м, і гэтыя выбары стануць першымі ў гісторыі краіны, у якіх Мугабэ не бярэ ўдзел. Ён быў адхілены ад улады вайскоўцамі ў лістападзе 2017 года. 

Нагодай для іх выступу была адстаўка Мнангагвы з пасады першага віцэ-прэзідэнта, рашэнне аб якой, як лічыцца, было прынята пад ціскам былой першай лэдзі Грэйс Мугабэ, што хацела атрымаць у спадчыну ўладу мужа. Пасля таго, як 93-гадовы кіраўнік дзяржавы пагадзіўся датэрмінова скласці паўнамоцтвы, Мнангагва быў прыведзены да прысягі прэзідэнта, паабяцаўшы правесці сумленныя выбары, аднавіць давер да ўрада рэспублікі ў краін Захаду і дамагчыся зняцця санкцый, уведзеных імі супраць Зімбабвэ пры яго папярэдніку.

Каментары5

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць