Здарэнні1616

Забойцу дзвюх жанчын з Бабруйска прысудзілі да расстрэлу

Фота Насты Бойкі, Еўрарадыё

36-гадовы непрацуючы бабруйчанін Аляксандр Асіповіч прысуджаны да пакарання смерцю за забойства дзвюх дзяўчат з асаблівай жорсткасцю. 20 ліпеня 2018 года ў ваннай яго кватэры знайшлі іх целы са слядамі гвалтоўнай смерці, піша Tut.by.

З загінулымі абвінавачваны пазнаёміўся ў кафэ, адкуль усё трое з'ехалі на таксі да яго дадому. Паводле абвінавачання, падсудны нанёс адной ахвяры 77 удараў малатком і рукамі ў жыццёва важныя органы. У другой ахвяры — 16 ран, амаль усе — у вобласць галавы і шыі. Пасля Асіповіч «прыняў меры да расчлянення і хавання трупаў».

У сваім апошнім слове Аляксандр Асіповіч сказаў, што цалкам ўсведамляе тое, што адбылося.

— Што магло мяне справакаваць на такія дзеянні, я не ведаю. Сам я чалавек добры і сентыментальны … У зробленым раскайваюся і ва ўсіх прашу прабачэння. Прашу суд даць мне магчымасць захаваць жыццё, працаваць і выплачваць грошы сем'ям загінуўшых.

Суд прысудзіў Аляксандра Асіповіча да пакарання смерцю за забойства дзвюх дзяўчат з асаблівай жорсткасцю, а таксама абавязаў спагнаць з яго больш за 100 тысяч рублёў на карысць сем'яў пацярпелых.

Прысуд у законную сілу не ўступіў і можа быць абскарджаны. Аляксандр Асіповіч ужо заявіў, што будзе абскарджваць прысуд.

У 2018 годзе ў Беларусі пакаралі смерцю чатырох чалавек: неаднаразова судзімага жыхара Нароўлі Аляксея Міхаленю, які ў сакавіку 2016 года здзейсніў забойства суседзяў-пенсіянераў; Віктара Лётава, які ў 2017 годзе быў прызнаны вінаватым у забойстве сукамерніка ў папраўчай калоніі ў Глыбокім, а таксама двух фігурантаў справы «чорных рыэлтараў» Сямёна Беражнога і Ігара Гершанкова.

Паводле звестак праваабаронцаў, цяпер у камеры смяротнікаў застаюцца прызнаныя вінаватымі ў забойстве трох чалавек Аляксандр Жыльнікаў і Вячаслаў Сухарка.

Каментары16

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць