Улада77

Лукашэнка і Пуцін «вельмі коратка» абмеркавалі сітуацыю з няякаснай нафтай. Пуцін паабяцаў расследаванне з прыцягненнем спецслужб

Embed from Getty Images

Аляксандр Лукашэнка і Уладзімір Пуцін на палях форуму «Адзін пояс, адзін шлях» у Кітаі абмеркавалі сітуацыю з пастаўкамі няякаснай расійскай нафты, перадае РІА Новості.

«Так, мы вельмі коратка абмяняліся думкамі па гэтай справе», — паведаміў Пуцін журналістам, адказваючы на ​​пытанне аб тым, ці абмяркоўвалася сітуацыя вакол трубаправода «Дружба» з лідарам Беларусі на палях форуму «Адзін пояс, адзін шлях» у КНР.

Як перадае ТАСС, Пуцін паабяцаў правесці расследаванне з прыцягненнем спецслужбаў па трубаправодзе «Дружба», калі карпаратыўнага расследавання будзе мала.

«Для таго каб зразумець, што там адбылося, трэба правесці расследаванне, — сказаў Уладзімір Пуцін на прэс-канферэнцыі па выніках візіту ў КНР. — Перш за ўсё трэба правесці расследаванне на ўзроўні самой «Транснафты» і вызначыць месца, адкуль патрапіла, па якіх прычынах, што патрапіла. Гэта расследаванне праводзіцца цяпер, калі недастаткова будзе ўнутрыкарпаратыўнага расследавання, я не выключаю, што мы правядзем і больш дбайнае, з дапамогай праваахоўных органаў і спецыяльных служб».

Як перадае БЕЛТА, кіраўнік Адміністрацыі прэзідэнта Наталля Качанава сказала журналістам, што пасля вяртання з Кітая Аляксандр Лукашэнка правёў з ёй сустрэчу.

«Мы абмяркоўвалі пытанні пастаўкі няякаснай нафты на нашы НПЗ. Учора Аляксандр Лукашэнка сустрэўся з Уладзімірам Пуціным. Прэзідэнт Расіі запэўніў, што гэтае пытанне будзе самым сур'ёзным чынам расследавана, яны дадуць прынцыповую ацэнку таму, што адбылося. Спадзяемся, што ўсе пытанні будуць урэгуляваныя адпаведна таму, як запэўніў прэзідэнт Расіі», — сказала Наталля Качанава.

19 красавіка канцэрн «Белнафтахім» заявіў пра «рэзкае пагаршэнне» якасці расійскай нафты, якая паступае па нафтаправодзе «Дружба».

22 красавіка на Мазырскім НПЗ заявілі, што праз няякасную расійскую нафту сапсавалася дарагое абсталяванне.

23 красавіка расійская нафта з павышаным утрыманнем хлорарганічных злучэнняў пачала паступаць у Еўропу і Украіну.

26 красавіка расійская «Транснафта» заявіла, што забруджванне нафты ў трубаправодзе «Дружба» было наўмысным. Няякасная нафта была ўкінутая ў трубаправод «Дружба» праз прыватны «Самаратранснафтатэрмінал», які абслугоўвае некалькі малых вытворцаў. Самарская кампанія адказала, што вузел зліву, праз які ў нафтаправод адбылося ўкідванне нафты з павышаным утрыманнем хлорарганічных злучэнняў, прадалі ў 2017 годзе. У Расіі завялі крымінальную справу.

Каментары7

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць