Меркаванні

Карбалевіч: Самае парадаксальнае, што гэтая Канстытуцыя не патрэбная нікому: ні наменклатуры, ні грамадству, ні апазіцыі

Палітолаг Валер Карбалевіч разважае пра асаблівасці «народнага» абмеркавання праекта Канстытуцыі, яе «важнасць» для краіны, але прыходзіць да думкі, што рэферэндум усё ж будзе.

18 студзеня на нарадзе ў Лукашэнкі разглядалі вынікі «ўсенароднага абмеркавання» новай Канстытуцыі. Тут варта звярнуць увагу на даты.

Праект Канстытуцыі быў апублікаваны 27 снежня. Такім чынам, на абмеркаванне дакумента, які дзяржаўныя медыя абвясцілі «гістарычным», народу далі толькі тры тыдні. Хоць бы месяц адвялі для прыстойнасці.

І, што асабліва варта падкрэсліць, — якія гэта былі тыдні! Новы год, Каляды, стары Новы год. Людзі святкавалі ці рыхтаваліся да святаў. Толькі дзівакі маглі ў гэты час замест святочнага стала вывучаць праект Канстытуцыі.

Пра змест «усенароднага абмеркавання» і гаварыць не варта. Вось 4 студзеня ў вёсцы Церуха Гомельскага раёна міліцыя затрымала 68-гадовага Мікалая Віцікава, які вырашыў паўдзельнічаць у гэтым самым «абмеркаванні» і «нелицеприятно» выказаўся пра Усебеларускі народны сход. Пенсіянеру пагражае да пяці гадоў турмы.

То-бок улады не здолелі нават зрабіць імітацыю «ўсенароднага абмеркавання».

Гэта азначае, што іх мала цікавіць легітымнасць працэсу канстытуцыйнай рэформы. Або проста па-іншаму яны ўжо працаваць не ўмеюць.

Чытайце таксама: «Як у Амерыцы нам не трэба». Што кажуць падчас «усенароднага» абмеркавання Канстытуцыі ў рэгіёнах

Лукашэнка сваё стаўленне да канстытуцыйнай рэформы выказаў на нарадзе ў такой фразе: «Калі ўжо шчыра, то мне гэты працэс абсалютна не патрэбны». І ў гэта можна паверыць. Калі ён адмовіўся ад транзіту ўлады і не збіраецца сыходзіць, то сэнсу ў прыняцці новай Канстытуцыі няма ніякага. Больш за тое, яна стварае для яго шэраг праблем.

Самае парадаксальнае палягае ў тым, што гэтая Канстытуцыя сёння не патрэбная нікому: ні наменклатуры, ні грамадству, ні апазіцыі. Не дзіва, што чыноўнікі, якія прыходзілі на сходы ў працоўныя калектывы, не маглі ўцямна патлумачыць, навошта прымаецца новы Асноўны Закон. Такая рэдкая з'ява, калі ў палітычнае жыццё запускаецца абсалютна бессэнсоўны праект. Быццам запускаюць на арбіту штучны спадарожнік Зямлі, і ён пачынае жыць сваім уласным жыццём.

 Як паведаміў кіраўнік Адміністрацыі прэзідэнта Ігар Сергеенка па выніках нарады, адкарэктаваныя больш за 30 артыкулаў праекту Канстытуцыі. Не выключана, што там будуць важныя змены. Магчыма, пад уплывам падзеяў у Казахстане.

 З нарады можна зрабіць высновы, што «ў бліжэйшы час» (мусіць, у студзені) Лукашэнка выступіць з пасланнем у Нацыянальным сходзе,

а ў лютым усё ж адбудзецца рэферэндум.

«Кухарка або клоўн не павінны прэтэндаваць на высокую пасаду». Сергеенка агучыў «народныя» прапановы ў Канстытуцыю

Ці зможа прэзідэнт займаць пасаду старшыні УНС? Не, не зможа. Але Лукашэнка — зможа

«Лукашэнка будзе думаць аб тым, што рабіць з новай канфігурацыяй улады, калі пабудуе яе». Highlights з інтэрв’ю Арцёма Шрайбмана

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць