Грамадства55

Расследаванне: «Справа траўматолагаў» дапамагла бізнэсу сяброўкі сям'і Лукашэнкі

Вясной пасля гучнай «справы траўматолагаў» беларускія ўлады забаранілі дзяржаўным бальніцам праводзіць платныя аперацыі па замене каленных ды тазасцегнавых суставаў. І без таго велізарныя чэргі пацыентаў расцягнуліся на гады. Адзінай прыватнай клінікай, якая мае дазвол праводзіць падобныя аперацыі, засталася клініка «Мерсі». Замяніць сустаў у клініцы каштуе нашмат даражэй, чым гэты было ў дзяржаўных бальніцах.

Клініка «Мерсі». Фота: Yandex.by

Людміла Няронская, чыя клініка «Мерсі» стала манапалістам на беларускім рынку эндапратэзавання, мае цесныя сувязі з сям'ёй Віктара Лукашэнкі. Гэта высветлілі журналісты «Беларускага расследавальнага цэнтра» (БРЦ).

Вывучыўшы базу пералётаў ад «Кіберпартызанаў», яны даведаліся: падчас афіцыйнага візіту Лукашэнкі ў ААЭ у 2019 годзе Людміла Няронская і жонка Віктара Лукашэнкі Лілія разам з дзецьмі таксама адправіліся ў Дубай. А назад у Мінск яны вярталіся ўжо на адным бізнэс-джэце з Віктарам Лукашэнкам і супрацоўнікам Службы бяспекі Валерыем Дзенісюком.

Акрамя гэтага, дзеці Няронскай і Ліліі Лукашэнкі разам вучацца ў мінскай гімназіі №16. А старэйшая дачка Ліліі і Віктара Лукашэнкі Вікторыя летам 2021 года выйшла замуж за Дзмітрыя Дзятлава, які праходзіў пераддыпломную практыку на прадпрыемстве «Захадтрансэкспедыцыя», дзе дырэктарам з'яўлялася таксама Людміла Няронская.

Клініка «Мерсі», доля ў якой належыць Няронскай, адзіная ў Беларусі працягвае ставіць імпартныя пратэзы. Дзяржаўныя клінікі спынілі такія аперацыі пасля гучнай «справы траўматолагаў», па выніках якой у красавіку гэтага года былі затрыманыя 35 чалавек, медустановы падвергліся пазапланавым праверкам, а ў некаторых нават прыпынілі ліцэнзіі.

У «Мерсі» імпартныя суставы ставяць па цэнах ў тры разы вышэйшых, чым у дзяржаўных бальніцах: з пацыентаў у прыватнай клініцы бяруць да 8000 даляраў.

Муж сястры Алексіна Алег Герасім актыўна развівае яшчэ адзін медыцынскі бізнэс, цэнтр «Неа», высветліў Беларускі расследавальны цэнтр.

Першая клініка адкрылася некалькі гадоў таму ў Мінску. Прапануюць у ёй фізіятэрапію, мануальную тэрапію, іголкаўколванне, кансультацыі спецыялістаў.

Другую клініку «Неа» нядаўна пабудавалі каля лечкамісіі ў Ждановічах пад Мінскам на месцы былой гразелячэбніцы.

З восені гэтага года ў новай клініцы плануюць праводзіць аперацыі з артраскопам на суставах, у прыватнасці такія працэдуры, як рэканструкцыя сустаўнага храстка і пашкоджанага меніска.

Абедзве клінікі належаць прыватнай кампаніі «Неанафта», якой разам з Алегам Герасімам валодаюць Лідзія Ушакова і Алег Пятроў. Як высветлілі журналісты БРЦ, Ушакова і Пятроў — былыя супрацоўнікі кампаній алігархаў Алексіна і Вараб'я.

Каментары5

  • кудзеснік
    12.07.2022
    А я вось думаю, што траўматолагі бралі на лапу. І мы ўсе гэта ведаем. Проста саромеемся, бо хто нас лячыць будзе. 
    Але бралі. І ад пастаўшчыкоў эндапратэзаў бралі. А камерцыйная кліінка - якая б не была - там ўсё празрыста. 
    Слухайце, толькі мінздраў не змог бы зрабіць пастаўкі пратэзаў настолькі бруднымі, як яны ёсць. Рыла ў пуху у нашых дактароў. 
    Таму траўмалогагі і трансплантолагі у 2020 рэзка асуждалі ўсіх праціўнікаў свайго прэзідэнта. Хай пасядзяць. 
  • кудзеснік
    12.07.2022
    Жар, Да бралі яны хабары. Слухайце. Бюджэтная установа. Непразрыстая чарга, калі адпраўлялі пацыента ў фірму купляць сабе эндапратэз, які фірма аддавала артапеду. Разам з канвертам.  
    Прынамсі. Усе загадчыкі аддзяленняў ездзілі на дарагіх машынах, несуразмерных іх заробкам. 
  • хеўра
    12.07.2022
    дык гэта даўно вядома што сямейка і набліжаныя кланы з’яўляюцца выгадаатрымальнікамі ў кожнай сферы. вось такі лукашыцкі алігархат

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць