Усяго патроху88

Шмат людзей кладуць гэтыя прадукты ў халадзільнік. І дарма!

Ці ўся ежа, якую вы захоўваеце ў халадзільніку, насамрэч мае там быць? Аказваецца, ёсць шмат садавіны, гародніны і зеляніны, якую трэба трымаць у зусім іншых умовах. Паглядзіце, ці не робіце вы памылку.

Фота: pixabay.com

Пачнём з сюрпрызу: насамрэч большасць садавіны і гародніны не любіць нізкіх тэмператур. Таму варта старанна праверыць свой халадзільнік на наяўнасць прадуктаў, якія не павінны там быць, піша onet.pl.

Пра якую гародніну ідзе размова? Перш за ўсё пра бульбу, смак якой значна пагаршаецца пад уплывам нізкай тэмпературы. Таксама з вашага халадзільніка павінны знікнуць гарбуз, цыбуля, морква, перац, памідоры, агуркі і любыя бабовыя.

Што датычыцца садавіны, тут таксама ёсць чаму здзівіцца. Не варта трымаць у холадзе бананы, авакада, ананасы, манга, грушы, нектарыны, яблыкі, слівы, цытрусавыя, маліны, клубніцы, чарніцы і нават кавуны. Хаця кавуны і маюць цудоўны смак у халодным выглядзе, яны абсалютна не любяць нізкіх тэмператур. Таксама не захоўвайце ў халадзільніку сухафрукты накшталт разынак ці курагі.

Калі вы трымаеце ў холадзе мёд, неадкладна прыбярыце яго адтуль. Нізкія тэмпературы прымушаюць мёд крышталізоўвацца, таму яго месца ў шафе. Там жа трымайце алеі і воцат, бо ў халадзільніку яны могуць стаць мутнымі (выключэнне — ільняны алей).

Прынята лічыць, што, калі трымаць каву ў холадзе, яна захавае свой пах, але насамрэч гэта не так. Атрымліваецца, што і ў кавы, і ў гарбаты ад захоўвання ў халадзільніку смак толькі пагаршаецца. Таксама прыбярыце з холаду крупы, у тым ліку рыс, і трымайце іх у герметычнай упакоўцы ў сухім месцы, напрыклад, у шафе на кухні. Каб адпужваць харчовую моль, можна пакласці ў крупы лаўровы ліст.

Не трымайце ў халадзільніку хлеб, калі хочаце, каб ён заставаўся свежы. Найлепшае месца для хлеба — драўляная скрыня з хатняй тэмпературай унутры. Калі вы вырашылі замарозіць булачкі ці хлеб, памятайце, што пасля размарозкі гэтыя прадукты трэба вельмі хутка з’есці, інакш яны могуць пакрыцца цвіллю.

Нарэшце, халадзільнік — не месца для спецый і зёлак (маем на ўвазе як свежыя, так і сушаныя). Гэта датычыцца і часнаку, які лепш за ўсё падвесіць над плітой.

Што трэба ведаць, калі вы пачынаеце прымаць вітаміны

Як сабраць карысную ссабойку? Парады дыетолага

Рэцэпт на выхадныя. Гарбузовы суп — карысна, густа, цёпла

Каментары8

  • Кухарка
    11.11.2022
    Большего глупства не читал. Не, ну если есть время каждый день в магазин бегать - ура и вперёд.
    Без холодильника вся зелёнка через два дня пойдёт в мусорку. И я еще промолчу про роящихся дрозофил …
  • ЯНКА
    11.11.2022
    ЗЬ КІСЛАЙ МÍНАЙ.
    Учора я купіў гранаты... Не, лепей гэтак: учора, пад коўдрай хомарнае ночы, я набыў гранаты. І дома дзеля бясьпекі амаль трымцяшчымі й нібыта не сваімі пальцамі схаваў іх у чэраве лядоўні. А аказваецца, нельга? І ўсёткі, згадзіцеся: трымаць гранаты ва ўлучанай лядоўні больш надзейна, чым у духоўцы ці ў мікрахвалёўцы.
  • хамса ў тамаці
    11.11.2022
    [Рэд. выдалена]

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі6

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Мінскія ўлады ўжо абмяркоўваюць ідэю Лукашэнкі запусціць трамваі ў метро13

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца5

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі6

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць